2022-03-17 15:05:15, 833 ნახვა
მსოფლიო
ლუეტუვის პარლამენტმა მიიღო რეზოლუცია, რომლითაც გაეროს უკრაინის საჰაერო სივრცის დახურვისკენ მოუწოდებს
ლიეტუვის სეიმმა ერთხმად მიიღო რეზოლუცია, რომლითაც პარლამენტი გაეროს უკრაინის თავზე, საჰაერო სივრცის დახურვისკენ მოუწოდებს.
„მოვუწოდებთ გაეროს, დაუყოვნებლივ მიიღოს ზომები უკრაინის თავზე ფრენის აკრძალული ზონის უზრუნველსაყოფად, რათა შეაჩეროს მშვიდობიანი მოსახლეობის მასობრივი სიკვდილი“, - ამის შესხებ სეიმი Twitter-ზე იტყობინება.
ამასთანავე, უკრაინის უმაღლესი რადას სპიკერმა, რუსლან სტეფანჩუკმა ლიეტუვის სეიმის სპიკერს, ვიქტორია კმილიტე-ნილსენსა და სეიმის ყველა დეპუტატს, უკრაინისადმი სოლიდარობისთვის, მადლობა გადაუხადა.
„მოვუწოდებ სხვა პარლამენტებს გადამწყვეტი მოქმედებისკენ. დახურეთ ცა უკრაინის თავზე“, - განაცხადა რუსლან სტეფანჩუკმა.
ავტორი: ექსპრესნიუსი,
epn.ge (@expressnews.ge)
