2022-03-17 11:50:14, 871 ნახვა
მსოფლიო
უკრაინის შსს - უკრაინაში აღარ დარჩა ადგილები, სადაც პირდაპირი სამხედრო საფრთხე არ არსებობს
უკრაინაში აღარ დარჩა ადგილები, სადაც პირდაპირი სამხედრო საფრთხე არ არსებობს, - უკრაინული მედია წერს, რომ ამის შესახებ უკრაინის შინაგან საქმეთა მინისტრმა, დენის მონასტირსკიმ განაცხადა.
შსს-ს ხელმძღვანელის თქმით, მტრის დივერსანტებს ქვეყნის სხვადასხვა რაიონები აქვთ დაკავებული.
„სამწუხაროდ,უკრაინაში დღეს აღარ დარჩა ადგილები, სადაც პირდაპირი სამხედრო საფრთხე არ არსებობს. ჩვენთან აღარ დარჩა ოლქები, სადაც არ ხდება დაბომბვა, ან სადაც არ იმყოფებოდნენ დივერსანტული ჯგუფების წარმომადგენლები. სამწუხაროდ, ეს მოვლენა ჩვენთვის უჩვეულო აღარ არის. კიევში, მე, მაგალითად ყოველდღიურად ვიღებ ინფორმაციას მტრის დივერსიული ჯგუფების, ცეცხლის მაკორექტირებლების დაკავების შესახებ. ეს პრობლემა დღეს დგას ყველგან", - განაცხადა მინისტრმა.
ავტორი: ექსპრესნიუსი,
epn.ge (@expressnews.ge)
