|
2022-03-07 14:24:50, 683 ნახვა
საზოგადოება
ზურაბ აზარაშვილი - აფთიაქებში რამდენიმე ათეული დასახელების თურქული მედიკამენტია შემოსული და ფასები არის მკვეთრად დაბალი, ზოგ შემთხვევაში 80-90%-ით
„მოგეხსენებათ ერთი თვის წინ გავხსენით თურქეთის ბაზარი, ბევრი ამას სკეპტიკურად უყურებდა და ამბობდა, რომ ეს არ იმოქმედებდა წამლის ფასზე. დღეს უკვე გვაქვს ის რეალობა და რა მოლოდინიც გვქონდა. აფთიაქებში რამდენიმე ათეული დასახელების თურქული მედიკამენტია შემოსული და ფასები არის მკვეთრად დაბალი, ზოგ შემთხვევაში 80-90%-ით ნაკლებია, ვიდრე ეს იყო ერთი კვირის და ერთი თვის წინ“, - ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მთავრობის სხდომის შემდეგ განაცხადა. ზურაბ აზარაშვილმა აღნიშნა, რომ მედიკამენტებზე ხელმისაწვდომობის გაზრდის მიზნით მუშაობა გრძელდება, მათ შორის იმ რეკომენდაციებზე, რაც უფრო მეტად გამჭვირვალეს გახდის ფარმაცევტულ ბაზარს საქართველოში. „ვიმედოვნებთ, რომ ეს ყველაფერი ერთობლიობაში კიდევ უფრო მეტად დაასტაბილურებს და ხელმისაწვდომს გახდის მედიკამენტების ფასს ჩვენი მოქალაქეებისთვის“, - განაცხადა მინისტრმა. ზურაბ აზარაშვილის თქმით, თურქეთიდან უკვე ათეულობით დასახელების მედიკამენტია იმპორტირებული და მოსახლეობას მათი შეძენა აფთიაქებში უკვე შეუძლია. მისივე თქმით, ქვეყანა, ჯამში თურქეთიდან 200-მდე მედიკამენტის რეგისტრაციას ელოდება, რის შედეგადაც მედიკამენტებზე ფასები მკვეთრად გაიაფდება. ხარისხიან მედიკამენტებზე ხელმისაწვდომობის გაზრდის მიზნით, მინისტრი დღეს ოფიციალური ვიზიტით თურქეთშიც მიემგზავრება, სადაც თურქ კოლეგას შეხვდება. „უფრო დეტალურად განვიხილავთ საქართველოსთვის თურქული მედიკამენტების ხელმისაწვდომობას, ასევე გვექნება მნიშვნელოვანი შეთანხმებები თუ როგორ უნდა მოხდეს ამ მედიკამენტების ხარისხის გაკონტროლება, ასევე მექნება საუბარი იმასთან დაკავშირებით თუ როგორ უნდა მოხდეს მასზე ფასების დაწესება და გვქონდეს სრულყოფილი ინფორმაცია, რომ იყოს მაქსიმალურად გამჭვირვალე და კეთილსინდისიერი კონკურენცია ამ მიმართულებით. ერთი სიტყვით, რომ არ მოხდეს ფასის ხელოვნურად აწევა, ჩვენ გვექნება პირდაპირი შეთანხმება და წვდომა თურქულ მხარესთან“, - აღნიშნა ზურაბ აზარაშვილმა.
ესტონეთი რუსეთთან საზღვარს 1 დეკემბერს დახურავს თავდაცვის ქარხანაში მომხდარი დივერსიის გამო.
უკრაინამ რუსეთის ერთ-ერთ უდიდეს ნავთობქიმიურ ქარხანას შეუტია, ტაგანროგში ელექტროსადგური დაბომბა
16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება
ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
უკრაინა და რუსეთი 3000-მდე სამხედრო ტყვეს გაცვლას გეგმავენ
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



