2022-02-10 21:15:19, 1068 ნახვა

---

სალომე ზურაბიშვილი - პროცესი გაიშლება ბევრ ჯგუფებზე, იქნება მთავარი პრინციპები და კრიტერიუმები, რომლებსაც ყველა ჯგუფი მოაწერს ხელს

„პროცესი გაიშლება ბევრ ჯგუფებზე სხვადასხვა ფორმატებში, რეგიონებში, სოფლებში, უნივერსიტეტებში. იქნება მთავარი პრინციპები და კრიტერიუმები, რომლებსაც პროცესში ჩართული ყველა ჯგუფი მოაწერს ხელს“, - ამის შესახებ ობელიანების სასახლეში, საქართველოს პრეზიდენტმა, სალომე ზურაბიშვილმა ეროვნული თანხმობის პროცესის პირველ საჯარო განხილვაზე განაცხადა.

მისი თქმით, ამ პროცესში დიასპორის როლი ძალიან მნიშვნელოვანია, ვინაიდან „დღევანდელი ტკივილი და ხვალინდელი მომავალიც“ მათიცაა. 

„მე გთავაზობთ ახალ სივრცეს. აქ არ არის არანაირი მონოპოლია. პირველი ეტაპი თემების აღმოჩენაა. პროცესი გაიშლება ბევრ ჯგუფებზე სხვადასხვა ფორმატებში, რეგიონებში, სოფლებში, უნივერსიტეტებში. იქნება მთავარი პრინციპები და კრიტერიუმები, რომლებსაც პროცესში ჩართული ყველა ჯგუფი მოაწერს ხელს. ეს არ უნდა გადავიდეს პოლიტიკურ მსჯელობაში, აკრძალულია ლანძღვა-გინება. არავინ უნდა დავრჩეთ უსამართლობის განცდაში, რადგან ესეც პოლარიზაციის ერთ-ერთი ძალიან დიდი მიზეზია. ამ პროცესში დიასპორის როლი ძალიან მნიშვნელოვანია, ვინაიდან დღევანდელი ტკივილი და ხვალინდელი მომავალი მათიცაა. ეს უნდა იყოს ცოცხალი, ინკლუზიური და თავისუფალი პროცესი. აქ არ უნდა იყოს რამე ტაბუდადებული თემა“ - აღნიშნა სალომე ზურაბიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი