„ქართული ოცნების“ თავმჯდომარე ირაკლი კობახიძემ უკრაინის მხარდამჭერ რეზოლუციასთან დაკავშირებით ოპოზციის უკმაოყფილებაზე ისაუბრა და აღნიშნა, რომ რეზოლუციის ტექსტი ჩამოყალიბდა ზუსტად ისე, როგორც შეესაბამება საქართველოს სახელმწიფოებრივ ინტერესებს.

როგორც ირაკლი კობახიძემ აღნიშნა, ოპოზიციას, კერძოდ კი, „ნაცმოძრაობას“, რომელიც მისივე თქმით, „ერთგვარი ომის პარტიაა“ სურს, რომ უკრაინაში იხილოს ომი.

 „ეს რეზოლუცია, მისი ტექსტი ჩამოყალიბებულია ზუსტად ისე, როგორც შეესაბამება ჩვენს სახელმწიფოებრივ ინტერესებს. რაც შეეხება ზოგადად ჩვენს მიდგომას საგარეო პოლიტიკასთან მიმართებით, ეს ყველამ კარგად იცის, ჩვენ გვაქვს პრინციპული პოლიტიკა. რაც შეეხება დღევანდელ ოპოზიციას, რომელიც თავის დროზე იყო ხელისუფლებაში, შეგახსენებთ, რომ მათი ნაბიჯების შედეგია, რომ დღეს რუსეთის ფედერაციას აქვს ჩაბრებული ჩვენი ქვეყნის ტერიტორიების 20%. როგორც ჩანს ეს არ ჰყოფნით, როგორც ჩანს უნდათ მეტი. ეს არის ერთგვარი ომის პარტია, მათ აშკარად სურთ იხილონ ომი უკრაინაში, ეს პირდაპირ ჩანს მათი საუბრებიდან და მგონი, ესეც არ აკმაყოფილებთ და უნდათ, იხილონ ასეთი პროცესები საქართველოში კიდევ ერთხელ. რაც 2008 წელს გააკეთეს მათ საქართველოში, იმას ვეღარ გაიმეორებენ, რადგან ისინი არიან დღეს ოპოზიციაში და კიდევ დიდხანს დარჩებიან“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ოცნების მიერ დანიშნულმა ახალციხის მერმა წიკლაურმა კათოლიკეებს უარი უთხრა საკონფერენციო დარბაზის დათმობაზე

საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ

გულშემატკივრობას საზღვარი არ აქვს - მოემზადე საქართველოს ნაკრების მხარდასაჭერად საქართველოს ბანკის Fan Card-თან ერთად

თიბისის მხარდაჭერით, ქართველი სტუდენტები ლისაბონის Web Summit-ზე გაემგზავრნენ