ყოფილი სასტუმრო „ქართლი“ ნამდვილად გახლავთ ავარიული ობიექტი, სწორედ ამიტომ დევნილთა სააგენტომ შენობაში ფაქტობრივად მცხოვრებ ყველა ოჯახზე გასცა ადმინისტრაციული დაპირება და განსახლების ორ ალტერნატივას სთავაზობს. მათ ახლავე შეუძლიათ თბილისში, ნებისმიერ კორპუსში თავადვე მოიძიონ ბინა, რომელსაც სააგენტო მათთვის უპირობოდ შეიძენს ან დაელოდონ სააგენტოს მიერ შესყიდული ბინების მშენებლობის დასრულებას. აღნიშნულის შესახებ განცხადებას საქართველოს დევნილთა სააგენტო ავრცელებს.

უწყების ცნიბით, დევნილი ოჯახის მიერ  ბინის მოძიების შემთხვევაში, კვადრატული მეტრის ფასი, რომელსაც სააგენტო დაფარავს შეადგენს 550 დოლარის ეკვივალენტს ლარში, ხოლო ბინის ფართობი ოჯახის სულადობის მიხედვით განისაზღვრება.

„ამასთან, უკიდურესად მნიშვნელოვანია, რომ იძულებით გადაადგილებული ოჯახების ჯანმრთელობას საფრთხე არ შეექმნას.  სწორედ ამიტომ,  სააგენტო, გამგეობასთან ერთად,  გრძელვადიან განსახლებამდე  დევნილ ოჯახებს ქირის თანხით უზრუნველყოფას სთავაზობს.

სააგენტოს წარმომადგენლებს ყოველდღიური კომუნიკაცია აქვთ  „ქართლში“ მცხოვრებ დევნილებთან და ყველა მათგანისთვის  ცნობილია აღნიშნული შეთავაზებების შესახებ“, - აღნიშნულია განცხადებაში.

ავტორი: NS (სტატია დაფინანსებულია),

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა