„გირჩი - მეტი თავისუფლების“ თავმჯდომარე, ზურაბ გირჩი ჯაფარიძე საქართველოს პრეზიდენტს, სალომე ზურაბიშვილს შეხვდა. როგორც ჯაფარიძემ ზურაბიშვილთან შეხვედრის შემდეგ განაცხადა, პრეზიდენტის მიერ დაყენებული ინიციატივით, ამჟამინდელი პოლიტიკური კრიზისის დაძლევის შანსი არ ჩანს.

მისივე განცხადებით, სალომე ზურაბიშვილთან შეხვედრა იმ ყოვლისმომცველ პროცესს ეხებოდა, რომელიც შეიძლება, წლები გაიწელოს. შესაბამისად, ფაქტი, რომ საქართველოს „უზირპატორი ხელისუფლება“ ჰყავს, რომელიც ძალაუფლებას არაფრით არ თმობს, აღნიშნულ პროცესზე საუბრის დროს არ განხილულა.

„რა პოლიტიკური კრიზისიც არის, ამის დაძლევის ვერანაირ შანს ვერ ვხედავ, ამ პროცესით. როგორც დღევანდელი შეხვედრიდან გავიგე, ამაზე საერთოდ, არც არის საუბარი. საუბარია, უფრო ზოგად ყოვლისმომცველ პროცესზე, რომელიც შეიძლება, დროში წლები გაიწელოს. მაგრამ, ახლა, ამ წუთში ტყეში რომ ვართ, დედა რომ არა ჰყავს ქვეყანას და პრობლემა გვაქვს ის, რომ უზურპატორი ხელისუფლება გვყავს, რომელსაც მთელი ძალაუფლება მიტაცებული აქვს, როგორ უნდა მოვაგვაროთ, რომ არ თმობს არანაირ ძალაუფლებას, ეს პროცესი მაგას არ ეხება.

თუ უყურებთ ამ პროცესს ისე, რომ პრეზიდენტმა შეიძლება შეიწყალოს სააკაშვილი, მე შთაბეჭდილება დამრჩა, რომ ეგეთი რაღაც საერთოდ არ განიხილება“, - განაცხადა ზურაბ ჯაფარიძემ.

ავტორი: ექსპრესნიუსი,

სოციალური ქსელები

საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ

გულშემატკივრობას საზღვარი არ აქვს - მოემზადე საქართველოს ნაკრების მხარდასაჭერად საქართველოს ბანკის Fan Card-თან ერთად

თიბისის მხარდაჭერით, ქართველი სტუდენტები ლისაბონის Web Summit-ზე გაემგზავრნენ

საქართველოს ბანკისა და LEAF-ის საერთაშორისო განათლების რეგიონული ტურის ფარგლებში მეორე შეხვედრა გორში ჩატარდა