დღეს გამართულ მთავრობის სხდომაზე, „სამი ალაზნის ბიოსფერული რეზერვატისა“ და „დედოფლისწყაროს ბიოსფერული რეზერვატის“ UNESCO-ს პროგრამის „ადამიანი და ბიოსფერო“ სამდივნოში ნომინაციის განკარგულების პროექტი მოიწონეს.

საქართველოს მთავრობის სახელით, გარემოს დაცვისა და სოფლის მეურნეობის სამინისტრო UNESCO-ს სამდივნოში ახმეტისა და თელავის მუნიციპალიტეტების „სამი ალაზნის ბიოსფერული რეზერვატის“ და დედოფლიწყაროს მუნიციპალიტეტის „დედოფლისწყაროს ბიოსფერული რეზერვატის“ ნომინაციისთვის საჭირო დოკუმენტაციას წარადგენს.

ბიოსფერული რეზერვატის დაარსებით, სამხრეთ კავკასიის რეგიონში შეიქმნება პირველი სამოდელო რეგიონი, რომელიც უზრუნველყოფს კონსერვაციისა და მდგრადი მიწათსარგებლობის ერთიანი პრაქტიკის დანერგვას.

ბიოსფერული რეზერვატის შექმნით, საერთაშორისო ქსელებში ჩართული დაცული ტერიტორიების ფართობი გაიზრდება 233,857 ჰექტრით და მთლიანი ფართობი ქვეყნის ტერიტორიის 22 % იქნება.

საერთაშორისო ქსელში ჩართული დაცული ტერიტორია მოემსახურება მწვანე ეკონომიკის განვითარებას, ხელს შეუწყობს კლიმატგონივრული ტექნოლოგიების დანერგვას, ტყეების მდგრად მართვასა და ბიომრავალფეროვნების შენარჩუნებას ინტეგრირებული მიდგომით.

ბიოსფერული რეზერვატის განვითარების პოტენციალის შესწავლა, გარემოს დაცვისა და სოფლის მეურნეობის სამინისტროს ინიციატივით, გერმანიის მთავრობის და ევროკავშირის მხარდაჭერით, მიხაილ ზუკოვის ფონდის და კავკასიის რეგიონალური გარემოსდაცვითი ცენტრის (RecCaucasus) ხელშეწყობით განხორციელდა. პროცესში აქტირად იყვნენ ჩართულები თვითმმართველობის წარმომადგენლები და ადგილობრივი მოსახლეობა.

ავტორი: NS (სტატია დაფინანსებულია),

სოციალური ქსელები

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen

აშშ-ის საჰაერო ძალებმა წყნარ ოკეანეში B-2-დან გაშვებული LRASM რაკეტა გამოსცადეს

მოსკოვს კვლავ დრონებმა დაარტყეს, დაიბომბა ნოვოროსიისკის პორტიც