2021-11-09 01:18:33, 645 ნახვა
პოლიტიკა
სახალხო დამცველი - სააკაშვილი აცხადებს, რომ პატიმრების შეძახილები პალატაშიც ესმოდა
სახლახო დამცველმა, ნინო ლომჯარიამ განაცხადა, რომ სააკაშვილის გლდანის ციხის საავადმყოფოში შეყვანისთანავე პატიმრების შეძახილები ესმოდა.
"პატიმრების შეძახილები ნამდვილად არის, დავადასტურებ. გარეთ ნამდვილად ისმის. როგორც ის აცხადებს, მას ესმოდა პალატაშიც, თუმცა, მე როდესაც იქ ვიყავი, ტელევიზორიც იყო ჩართული და არ მესმოდა ნამდვილად, მაგრამ შესვლის დროსაც და გამოსვლის დროსაც ეს ხმაური მე დავაფიქსირე." - აცხადებს ნინო ლომჯარია.
სააკაშვილი 8 ნოემბერს, ადვოკატებისა და ოჯახის წევრების გაუფრთხილებლად, გლდანის N18 პენიტენციურ დაწესებულებაში გადაიყვანეს. გლდანში პატიმრები ექსპრეზიდენტის მიმართ იგინებოდნენ. გინების ვიდეო კადრები რამდენიმე ტელევიზიამ გაავრცელა.
ავტორი: ექსპრესნიუსი,
epn.ge (@expressnews.ge)
