ნიკა მელიამ ხელისუფლებას 24 საათიანი ვადა მისცა,რათა მიხეილ სააკაშვილი საქალაქო კლინიკაში გადაიყვანონ მისივე განცხადებით, წინააღმდეგ შემთხვევაში, ორშაბათს საღამოს რვა საათზე შეიკრიბებიან თავისუფლების მოედანზე.

"მიხეილ სააკაშვილის სიცოცხლე არის გადასარჩენი. ხელისუფლებას ვაძლევთ 24-საათიან ვადას, რომ გადაიყვანონ სამოქალაქო ჰოსპიტალში. 24-საათიან ვადას. 24 საათი აქვს დრო ბიძინა ივანიშვილს, რომ მოგვაწვდინოს ხმა,საჯაროდ ან სხვადასხვა არხებით რას გადაწყვეტს, ამიტომ თუ საღი აზრის მარცვალი შერჩენია ვინმეს ხელისუფლებაში, მიიღოს სწორი გადაწყვეტილება და გადაიყვანონ იქ, სადაც იქნება უზრუნველყოფილი მიხეილ სააკაშვილის, ქვეყნის მესამე პრეზიდენტის სიცოცხლე და ჯანმრთელობა.

თუ 24 საათში ამას მაინც არ გააკეთებენ და უნდათ, რომ გაგვხადონ თანამონაწილეები, დამსწრეები და მოწმეები მიხეილ სააკაშვილის მკვლელობისა და ამას გააგრძელებენ, ორშაბათს, 8 ნოემბერს, საღამოს რვა საათზე ვიკრიბებით მთელი საქართველო თავისუფლების მოედანზე. ამ წუთიდან, ვიდრე მე ვსაუბრობ, 24 საათი აქვს ვადა ბიძინა ივანიშვილს, სხვადასხვა წყაროთი ან საჯაროდ შეგვატყობინოს, რომ მიიღეს სააკაშვილის საავადმყოფოში გადაყვანის გადაწყვეტილება. თუ ამას არ გააკეთებენ, ორშაბათს, საღამოს რვა საათზე, აქ ვინც ვართ და 20-ჯერ და 30-ჯერ მეტი, მთელი საქართველო თავისუფლების მოედანზე შევიკრიბებით. დანარჩენი, რას ვაპირებთ და რა არის მოთხოვნა, თავისუფლების მოედანზე გაგაცნობთ" -თქვა ნიკა მელიამ.

ავტორი: ექსპრესნიუსი,

სოციალური ქსელები

მიხეილ სააკაშვილი - უკაცრავად და, ვის მიერ ჩადენილ დანაშაულს აღიარებთ, როგორც ფაქტს

40-მდე ქვეყანამ და საქართველომ ევროპული უსაფრთხოების დეკლარაციას მოაწერეს ხელი

ფარულავა – საკონსტიტუციო სასამართლოში რასაც ვუყურებთ ვერანაირ სტანდარტში ვერ ჯდება,

აბუ-დაბის სასამართლომ უსმან ნურმაგომედოვსა და მისი გუნდის წევრებს 6-თვიანი პატიმრობა, 300 000 დირჰამის ოდენობის ჯარიმა და დეპორტაცია მიუსაჯა