2021-10-27 11:10:14, 580 ნახვა
პოლიტიკა
მიხეილ სააკაშვილის უკრაინელი ადვოკატი – ქართული სტუმართმოყვარეობა საკუთარ მაგალითზე გამოვცადე, თბილისში არ შემიშვეს
ქართული სტუმართმოყვარეობა საკუთარ მაგალითზე გამოვცადე, საქართველოში არ შემიშვეს, – ამის შესახებ საქართველოს მესამე პრეზიდენტის, მიხეილ სააკაშვილის უკრაინელი ადვოკატი, ევგენი გრუშოვეცი წერს.
„ქართული სტუმართმოყვარეობა საკუთარ მაგალითზე გამოვცადე. მე არ შემიშვეს თბილისის აეროპორტში, საქართველოში. მეტიც, მიზეზებიც არ აუხსნიათ. გამომართვეს პასპორტი, გადასცეს ეკიპაჟის მეთაურს. მე ავუხსენი, რომ ჩამოვედი მიხეილ სააკაშვილთან, მაგრამ ახლა, სამწუხაროდ, ვბრუნდები უკრაინაში", – წერს უკრაინელი ადვოკატი.
ამასთანავე, უკრაინელი ადვოკატი აღნიშნავს, რომ მას ბორტგამცილებელმა „დეპორტირებული მგზავრი“ უწოდა და ამჟამად, ის კიევში პასპორტის გარეშე ბრუნდება.
ავტორი: ექსპრესნიუსი,
epn.ge (@expressnews.ge)
