არ არსებობს საზოგადოება, რომელიც პატივს არ სცემს თავის ვეტერანებს და ჰყავს ძლიერი ჯარი - საქართველოს პრეზიდენტმა, სალომე ზურაბიშვილმა ვეტერანებს დღევანდელი დღე მიულოცა და გაწეული სამსახურისთვის მადლობა გადაუხადა.

მისი თქმით, ვეტერანთა პროფესიონალიზმი არის ის, რაც ამ ქვეყანას და საზოგადებას სჭირდება.

„ძვირფასო ვეტერანებო, თქვენ ხართ რეალურად ჩვენი საზოგადოების მაგალითი და ჩვენი საზოგადოების საყრდენი იმიტომ, რომ თქვენ გაიგივებული ხართ არა მხოლოდ ისტორიასთან და წარსულთან, არამედ მომავალთან. არ არსებობს საზოგადოება, რომელიც პატივს არ სცემს თავის ვეტერანებს და ჰყავს ძლიერი ჯარი. ვეტერანების დაფასებით იზომება ჯარის დაფასება, ჯარის შემართებაც ვეტერანების დაფასებაზე დგას და არა მხოლოდ. რეალურად, დღევანდელ დღეს ჩვენი რეზერვი ხართ თქვენ. თქვენი დღევანდელი პროფესიონალიზმი არის ის, რაც ამ ქვეყანას სჭირდება, რაც ქვეყნის თანამედროვე ჯარს და საზოგადებას სჭირდება. საზოგადოების შემართება, საზოგადების გამოსვლა ერთგვარი დეპრესიიდან სწორედ თქვენს შემართებაზეა დამოკიდებული და ისეთ ადამიანებზე, რომლებმაც იციან, რისთვის იბრძოლეს წარსულში და რისთვის შეიძლება იყოს საჭირო მომავალში ბრძოლა. პატრიოტიზმი არის ის, რაზეც ჩვენ ვდგავართ, მითუმეტეს პატარა ქვეყანა მის გარეშე ვერ ვიდგებით“, - განაცხადა ზურაბიშვილმა.

დღეს, 17 ოქტომბერს საქართველოში ვეტერანთა დღე აღინიშნება, რასთან დაკავშირებითაც მთელი ქვეყნის მასშტაბით, არაერთი ღონისძიებაა დაგეგმილი.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს