თბილისში საჯარო ბაგა-ბაღებში დღეიდან სააღმზრდელო პროცესი განახლდა. პანდემიის მიზეზით გადადებული 2021-2022 სასწავლო-სააღმზრდელო წელი კვლავ ჯანდაცვის სამინისტროს მიერ დადგენილი რეგულაციებით წარიმართება. - ამის შესახებ ინფორმაციას თბილისის მერია ავრცელებს.

უწყების ცნობით, თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე N67 ბაგა-ბაღში იმყოფებოდა, სადაც 350-მდე აღსაზრდელია რეგისტრირებული.

„დავიწყეთ 2021-2022 სასწავლო-სააღმზრდელო წელი. ბაღები იმუშავებენ ჯანდაცვის სამინისტროს იმ რეგულაციებითა და რეკომენდაციებით, რომელიც გასულ წელს დამტკიცდა და რომელთანაც ჩვენი პერსონალი და მთელი სისტემა მარტივად ადაპტირდა. იმედს ვიტოვებ, რომ ჩვენი თანამშრომლების ძალისხმევითა და მშობელთა აქტიური ხელშეწყობით, შევძლებთ, პანდემიის ფონზე ეს პროცესი შეუფერხებლად წარვმართოთ“, - განაცხადა კახაბერ გვანცელაძემ.

მისივე თქმით, რეგულაციები ითვალისწინებს ბავშვთა მიღება-გაყვანის ინდივიდუალურ გრაფიკებს, პერსონალის ეკიპირებას და ბაღის აღჭურვას შესაბამისი სადეზინფექციო ინვენტარით, ასევე, თერმოსკრინინგს, საიზოლაციო ოთახების მზადყოფნას, უცხო პირთა დისტანცირებას შენობიდან, პროდუქტისა და ჭურჭლის რეცხვის წესებს, ინდივიდუალური მეთოდური მასალების გამოყენებას, სათამაშოების დასუფთავების წესებს და მეთოდური აქტივობების უსაფრთხოდ წარმართვას.  

თბილისში ამჟამად, 188 საჯარო ბაგა-ბაღია, სადაც 61 000-მდე აღსაზრდელია რეგისტრირებული.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს