2021-09-24 14:00:15, 563 ნახვა
საზოგადოება
იალბუზზე ასვლის დროს, ხუთი მთამსვლელი დაიღუპა
რუსეთის საგანგებო სიტუაციების სამინისტროს განცხადებით, ყაბარდო-ბალყარეთის მხრიდან იალბუზზე ასვლისას 5 ალპინისტი დაიღუპა.
რუსული მედიის ცნობით, მაშველებმა 14 ალპინისტის გადარჩენა შეძლეს. ყველა გადარჩენილს მძიმე ტრავმები აღენიშნება და სხეულის ნაწილები მოყინული აქვთ. ისინი საავადმყოფოში არიან გადაყვანილი.
როგორც რუსული გამოცემა წერს, ზღვის დონიდან 5 400 მეტრის სიმაღლეზე ასულმა 19-მა ალპინისტმა დახმარება ითხოვა. სამაშველო ოპერაცია 7 საათს გაგრძელდა. სამძებრო-სამაშველო ოპერაციას ძლიერი ქარი და მინუს 20 გრადუსი ყინვა აფერხებდა.
ოპერაციაში 70-მდე მაშველი და 16 ერთეული ტექნიკა იყო ჩართული.
ავტორი: ექსპრესნიუსი,
epn.ge (@expressnews.ge)
