შუახევის მუნიციპალიტეტის მერის მოვალეობის შემსრულებელი ომარ ტაკიძე, მარეთის ხეობაში იმყოფებოდა

2021-07-27 14:39:33, 1385 ნახვა

რეგიონი

გაზრდილი ბიუჯეტის ფარგლებში, დაგეგმილი და მიმდინარე პროექტების გაცნობის მიზნით, შუახევის მუნიციპალიტეტის მერის მოვალეობის შემსრულებელი ომარ ტაკიძე, მარეთის ხეობაში იმყოფებოდა.

შუბნის, ოლადაურისა და დღვანის ადმინისტრაციული ერთეულის მოსახლეობას, როგორც სახელმწიფო, ისე აჭარის მთავრობის და მუნიციპალიტეტის გაზრდილი ბიუჯეტის ფარგლებში განსახორციელებელი პროექტები გააცნო.

ჩირუხის მთაზე, ევროპაში ყველაზე გრძელი, ორზოლიანი ზიპლაინი მოეწყობა. პროექტის განსახორციელებლად 10 მლნ ლარი დაიხარჯება;

კეთილმოეწყობა მთა ჩირუხის ცენტრი; მიმდინარეობს დღვანის ბაგა-ბაღისა და ამბულატორიის მშენებლობა; გრძელდება სოფელში შიდასაუბნო გზების პრობლემატურ მონაკვეთებზე ბეტონის საფარის მოწყობა

რამდენიმე ლოკაციაზე სამუშაოები უკვე დასრულებულია;

კეთილმოეწყობა ტომაშეთის, ქიძინიძეებისა და მაწყვალთის სოფლის ცენტრები;

წყალმომარაგების გაუმჯობესების მიზნით პროექტები განხორციელდება ჯუმუშაურში, დღვანში, ქიძინიძეებში, დარჩიძეებში, ტომაშეთში, შუბანში, მთა ჩირუხში;

30-მდე ლოკაციაზე განხორციელდება მეწყერსაწინააღმდეგო ღონისძიებები; მაწყავლთის მთაში მიმდინარეობს ელექტროგაყვანილობის ქსელის მშენებლობა; დაგეგმილია დარჩიძეების სოფლის სახლის რეაბილიტაცია და მიმდებარე ტერიტორიის კეთილმოწყობა;

კეთილმოეწყობა მახალაკიძეების ბაგა-ბაღი და ეზო; აჭარის საავტომობილო გზების დეპარტამენტის მიერ, ხორციელდება ტურისტული მნიშვნელობის, შუახევი-ჩირუხის საავტომობილო გზის 3815 მ მონაკვეთზე ასფალტბეტონის საფარის მოწყობის სამუშაოები.

რამდენიმე ლოკაციაზე დაგეგმილია ფერდსამაგრი კედლებისა და ბეტონის საფარის მოწყობითი სამუშაოები. მიმდინარე წელს, ოლადაური, დღვანისა და შუბნის თემებში ადგილობრივი ბიუჯეტით ინფრასტრუქტურულ ღონისძიებებზე 2 180 000 -ლარამდე დაიხარჯება.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),