2021-07-01 16:25:13, 1204 ნახვა

---

პანდემიასთან ბრძოლისა და სამედიცინო სფეროში გაწეული ღვაწლისთვის აჭარის ჯანდაცვის მინისტრს ჯილდო გადაეცა

პანდემიასთან ბრძოლასა და სამედიცინო სფეროში გაწეული ღვაწლისათვის აჭარის ა/რ ჯანმრთელობისა და სოციალური დაცვის მინისტრს, ნინო ნიჟარაძეს სპეციალური ჯილდო გადაეცა. 

ჯანდაცვის სფეროს წამომადგენელთა დაჯილდოება „ამიერკავკასიის ექიმთა ლიგას“ორგანიზებით გაიმართა. ჯილდო აჭარის სამედიცინო დაწესებულებების წარმომადგენლებმაც მიიღეს.

პანდემიასთან ბრძოლაში შეტანილი განსაკუთრებული წვლილისა და ჯანდაცვის სფეროში ინოვაციების დანერგვისთვის ღონისძიებაზე დაჯილდოვდნენ ქ. ბათუმის რესპუბლიკური კლინიკური საავადმყოფოს ანესთეზიისა და კრიტიკული მედიცინის განყოფილების  უფროსი, კოვიდ ცენტრის კოორდინატორი, რეანიმატოლოგი, იაგო ტაკიძე, სალიხ აბაშიძის სახელობის ინფექციური პათოლოგიის, შიდსისა და ტუბერკულოზის რეგიონული ცენტრის დირექტორი, ციური აბულაძე და ინოვაციური კლინიკა ,,როგო“-ს დირექტორი, გოდერძი ნაკაშიძე.

დაჯილდოების ცერემონია თბილისის შოთა რუსთაველის სახელობის ეროვნულ თეატრში გაიმართა.

 

ინფორმაციას აჭარის ჯანდაცვის სამინისტრო ავრცელებს

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი