ნინო ნიჟარაძემ და ზურაბ თენიეშვილმა „ზიანის შემცირების საქართველოს ქსელისა“ და „იმედის“ წარმომადგენლებთან შეხვედრა გამართეს

2021-06-09 15:38:12, 1097 ნახვა

რეგიონი

აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ და მინისტრის მოადგილემ, ზურაბ თენიეშვილმა ა/ო "ზიანის შემცირების საქართველოს ქსელისა" და ა/ო ,,იმედის“ წარმომადგენლებთან შეხვედრა გამართეს.

აღნიშნული არასამთავრობო ორგანიზაციები გლობალური ფონდისა და სახელმწიფოს მხარდაჭერით ინექციური ნარკოტიკების მომხმარებელში ზიანის შემცირების პროექტს ახორციელებენ. ასევე ჩართულნი არიან C ჰეპატიტიტის სახელმწიფო პროგრამაში.

სამინისტროში გამართულ შეხვედრაზე მხარეებმა განიხილეს ინექციური ნარკოტიკების მომხმარებლებისათვის ზიანის შემცირების მიზნით არსებული პროგრამები, მნიშვნელობა და გამოწვევები.

პროგრამების მდგრადობის შენარჩუნებისათვის არასამთავრობო ორგანიზაციების წარმომადგენლები გეგმავენ დისკუსიის ინიცირებას ადგილობრივ მთავრობასთან და მუნიციპალიტეტებთან.

შეხვედრას ესწრებოდნენ ზიანის შემცირების საქართველოს ქსელის პროგრამების დირექტორი, მაკა გოგია, რეგიონული პროგრამების მენეჯერი, თამარ ზურაშვილი და ა/ო ,,იმედის“ ხელმძღვანელი, ზორია წურწუმია.