სოფლის მხარდაჭერის პროგრამის ფარგლებში გორის, მახალაკიძეებისა და დარჩიძეების სოფლებში კრებები გაიმართა.

პრიორიტეტების შერჩევის პროცესს შუახევის მერის მოვალეობის შემსრულებელი ომარ ტაკიძე, აჭარის უმაღლეს საბჭოში ხულოს, შუახევის, ქედისა და ხელვაჩაურის მაჟორიტარი დეპუტატი ფრიდონ ფუტკარაძე და მერის მოადგილე რუსუდან შავაძე ესწრებოდნენ.

ადგილობრივებს, ხელმძღვანელმა პირებმა სოფლის მხარდაჭერის პროგრამასა და მასში მოსახლეობის ჩართულობის მნიშვნელობაზე, პროგრამის პრიორიტეტებზე ესაუბრნენ და ის მიმდინარე და დაგეგმილი პროექტებიც გააცნეს, რაც მუნიციპალიტეტში უახლოეს მომავალში განხორციელდება გარდა სოფლის მხარდაჭერით განსახორციელებელი მცირემასშტაბიანი პროექტისა.

შეხვედრებზე კენჭისყრის შედეგად სამივე სოფლის მოსახლეობამ გარე განათების კეთილმოწყობა დაასახელა. მიმდინარე წელს, შუახევის მუნიციპალიტეტში „სოფლის მხარდაჭერის პროგრამის“ ფარგლებში 628 000 ლარი დაიხარჯება. შერჩეული პროექტები დასამტკიცებლად შუახევის მუნიციპალიტეტის საკრებულოს წარედგინება და უახლოეს პერიოდში მათი განხორციელება დაიწყება.

დღესვე, ხელმძღვანელი პირები აფხაზეთის ომში უგზო-უკვლოდ დაკარგული ფრიდონ მახარაძის ოჯახს სტუმრობდნენ. ასევე სოციალური აქციის ფარგლებში, დარჩიძეებში მცხოვრებ სოციალურად დაუცველ ზურაბ ცეცხლაძის ოჯახს პირველადი მოხმარების ნივთები და პროდუქტები გადასცეს.

#სოფლისმხარდაჭერისპროგრამა

ავტორი: NS (სტატია დაფინანსებულია),

სოციალური ქსელები

რუსეთის იუსტიციის სამინისტრომ პარტია "დროა" არასასურველი ორგანიზაციების სიაში შეიყვანა

მიქანაძე: საქართველო-ჩინეთს შორის განათლების სფეროში მნიშვნელოვან ეტაპზე გადავდივართ

დემოკრატები მასკს მოუწოდებენ, შეინარჩუნოს დოკუმენტები Starlink-ის უკრაინისთვის შეზღუდვების შესახებ

პოლონეთმა აშშ-სგან უკრაინისთვის იარაღის შესყიდვის დაფინანსება შეაჩერა