„სტრატეგია აღმაშენებლის ლიდერმა, გიორგი ვაშაძემ განაცხადა, რომ პარტია მანდატებზე უარს აცხადებს, სიასაც ჩახსნის, შესაბამისი მოთხოვნით კი ცესკოს ხვალ მიმართავს.

ვაშაძემ აღნიშნა, რომ მოლაპარაკებებში მონაწილეობას კვლავ მიიღებენ.

„სიტუაცია ძალიან მძიმეა და ის რომ ხვალ ერთპარტიული პარლამენტი იქნება ეს არის არა გამარჯვება, არამედ ვფიქრობ რომ ეს არის უზარმაზარი პრობლემა და უზარმაზარი მარცხი ქართული დემოკრატიის, რომელიც ქვეყანაში არის. ყველა ერთად უნდა დავფიქრდეთ, რომ ამ უმძიმესი პროცესიდან ვიხსნათ ქვეყანა. ჩვენ, „სტრატეგია აღმაშენებლის“ გუნდს ისევე, როგორც ყოველთვის გვექნება დამოუკიდებელი პოზიცია და კიდევ უფრო მნიშვნელოვნად მიმაჩნია მეტი და მეტი კონსოლიდაცია იმ ადამიანების ვინც ფიქრობენ რომ ქვეყნის აღმშენებლობაში უნდა ჩაერთონ. ხვალ მივმართავთ ჩვენ ცესკოს მანდატებზეც უარს ვიტყვით, სიასაც ჩავხსნით, ერთსულოვანია ამაში ჩვენი გადაწყვეტილება. მოლაპარაკებებში აუცილებლად მივიღებთ მონაწილეობას, იმედი მაქვს რომ შემდეგი რაუნდი გაიმართება და მძიმე ვითარებას ყველა კარგად გაიაზრებს“, - განაცხადა გიორგი ვაშაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

წითლიძე მოსამართლე ვასილ როინიშვილს - თქვენც ბრძანდებოდით, ბატონო ვასილ, მათ შორის პროკურორის მოადგილე, პარტიული იყავით?

მოსამართლე ევა გოცირიძე: სახელმწიფოს აქვს პოზიტიური ვალდებულება, რომ გამოიძიოს, ადეკვატურად დასაჯოს დამნაშავე და აღასრულოს ეს გადაწყვეტილება სწორად და ეფექტიანად

კობახიძე - როგორც რუსეთ-საქართველოს, ისე რუსეთ-უკრაინის ორივე ომის თავიდან აცილება შეიძლებოდა

ოლე-ოლას სიმღერის გამო მომღერალი სოფო ბათილაშვილი 3 000 ლარით დააჯარიმეს