2026-11-12 15:27:12, 259 ნახვა
სამართალი
ოლე-ოლას სიმღერის გამო მომღერალი სოფო ბათილაშვილი 3 000 ლარით დააჯარიმეს
ვიდეოში გამოყენებული „ოლე-ოლას“ ფრაზისთვის, მომღერალი სოფო ბათილაშვილი თბილისის საქალაქო სასამართლომ 3000 ლარით დააჯარიმა.
გადაწყვეტილება მოსამართლე კობა ჩაგუნავამ მიიღო.
შსს მომღერალს გამოქვეყნებულ ვიდეოში შეურაცხმყოფელი სიტყვების გამოყენებას ედავებოდა.
სოფო ბათილაშვილმა 8 ოქტომბერს სოციალურ ქსელში ოლე-ოლას სიმღერის ვიდეო გამოაქვეყნა. მომღერალი პოსტში წერდა, რომ ვიდეო პროტესტისა და მომღერალი კორძის სოლიდარობის ნიშნად ჩაწერა, რომელსაც „ოცნება“ და მათი პროპაგანდისტები ფაშისტს უწოდებდნენ.
ავტორი: მარიამ იმერლიშვილი, ექსპრესნიუსის რეპორტიორი 2020 წლიდან
epn.ge (@expressnews.ge)
