ელისაშვილი საბაბს ეძებს, რომ შევიდეს პარლამენტში, რისთვისაც კოლეგა ოპოზიციურ პარტიაზე თავდასხმა გამოიყენა, - ასე ეხმაურება „ევროპული საქართველოს“ წევრი სერგი კაპანაძე პარტია „მოქალაქეების“ ლიდერის, ალეკო ელისაშვილის განცხადებას.

მისი თქმით, თუ ალეკო ელისაშვილს საუბარი იმაზე, რომ „ევროპული საქართველო“ არის საბოტაჟის რეჟიმზე, არასერიოზულია.

„მოვისმინეთ ცრუ ბრალდებები, რომ ჯერ ერთი, ვითომ ფულის აღება დავაბრალეთ და მსგავსი არ ყოფილა არასოდეს არაფერი. ის, რომ რაღაც საბოტაჟს ვეწევით, ძალიან სამწუხაროა. როგორც ჩანს, ბატონი ელისაშვილი საბაბს ეძებს, რომ შევიდეს პარლამენტში და გამოიყენა კოლეგა ოპოზიციურ პარტიაზე თავდასხმა ამ საბაბად, რაც კიდევ ერთხელ მასზე უფრო მეტყველებს, ვიდრე სხვა რამეზე. მას თუ უნდა, რომ შევიდეს უნდა თქვას, რომ აპირებს შესვლას. ჩვენ ბოიკოტის რეჟიმში ვართ იმიტომ, რომ ეს არჩევნები გაყალბდა, ახლა წაართვეს ქართველ ხალხს ნება თავისუფალ არჩევნებზე, არ ჩაატარეს თავისუფალი არჩევნები. ამის გამო გვინდა, რომ ახალი არჩევნები ჩატარდეს. თუ მას მიაჩნია, რომ რაიმეს გაუმჯობესების მიზნით უნდა შევიდეს პარლამენტში, არჩევნებს თავი დაანებოს და თქვას, რომ სამართლიანი იყო, ივანიშვილს გაუპრავოს ეს არჩევნები. ეს უნდა გადაწყვიტოს და თქვას.

რატომ შემოაქვს ასეთი განხეთქილება ოპოზიციის შიგნით, როდესაც ჩამოყალიბებულები ვართ ყველა ოპოზიციური პარტია, გაუგებარია და აჩენს ეჭვებს მის ქვედა ძრახვებზე. სხვა არანაირი დასკვნის გაკეთება არ შემიძლია. საუბარი იმაზე, რომ „ევროპული საქართველო“ არის საბოტაჟის რეჟიმზე, არასერიოზულია. ჩვენ თავიდან ბოლომდე ვმონაწილეობთ ამ მოლაპარაკებებში. ჩვენი ამოცანაა ყველა ის მოთხოვნა იყოს ბოლომდე გატანილი, რაც ჰქონდათ ოპოზიციურ პარტიებს“, - განაცხადა სერგი კაპანაძემ.

პარტია „მოქალაქეების“ ლიდერის, ალეკო ელისაშვილის განცხადებით, „ევროპულ საქართველოს“ მოლაპარაკებებში განეთქილების შეტანა სურთ.

ავტორი: ექსპრესნიუსი,

სოციალური ქსელები

წითლიძე მოსამართლე ვასილ როინიშვილს - თქვენც ბრძანდებოდით, ბატონო ვასილ, მათ შორის პროკურორის მოადგილე, პარტიული იყავით?

მოსამართლე ევა გოცირიძე: სახელმწიფოს აქვს პოზიტიური ვალდებულება, რომ გამოიძიოს, ადეკვატურად დასაჯოს დამნაშავე და აღასრულოს ეს გადაწყვეტილება სწორად და ეფექტიანად

კობახიძე - როგორც რუსეთ-საქართველოს, ისე რუსეთ-უკრაინის ორივე ომის თავიდან აცილება შეიძლებოდა

ოლე-ოლას სიმღერის გამო მომღერალი სოფო ბათილაშვილი 3 000 ლარით დააჯარიმეს