ნიკოლ ფაშინიანი - ცეცხლის შეწყვეტას არმია ითხოვდა

2020-11-10 15:03:52, 1381 ნახვა

მსოფლიო

სომხეთის პრემიერ-მინისტრმა ნიკოლ ფაშინიანმა განმარტა, თუ რატომ მოხდა ყარაბაღის ზავის ხელმოწერა.

ფაშინიანი აცხადებს, რომ შეთანხმებაზე ხელმოწერის გადაწყვეტილება მას შემდეგ მიიღო, როდესაც ცეცხლის შეწყვეტა არმიამ თავად ითხოვა.

„ეს გადაწყვეტილება მივიღე მას შემდეგ, რაც სამხედროებმა დაჟინებით მოითხოვეს ამ ნაბიჯის გადადგმა. იყო რამდენიმე პრობლემა, რომელთა მოგვარებაც შეუძლებელი გახდა.

ეს იყო ძალიან რთული და მძიმე გადაწყვეტილება. ვიყავით ისეთ სიტუაციაში, რომ ალტერნატივა აღარ იყო“, - განაცხადა ფაშინიანმა.

შეგახსენებთ, რომ სომხეთის პრემიერ-მინისტრმა ნიკოლ ფაშინიანმა განცხადა, რომ რუსეთისა და აზერბაიჯანის პრეზიდენტებთან ერთად ხელი მოაწერა შეთანხმებას, რომელიც მთიან ყარაბაღში საომარი მოქმედებების შეწყვეტას გულისხმობს. გადაწყვეტილება სომხეთში გააპროტესტეს. მოქალაქეები პარლამენტის შენობაში შეიჭრნენ და სომხეთის პარლამენტის თავმჯდომარეს ფიზიკურად გაუსწორდნენ. მოგვიანებით სომხეთის პრეზიდენტმა განაცხადა, რომ ცეცხლის შეწყევეტის შესახებ ინფორმაცია მედიისგან გაიგო.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან