2020-10-06 21:11:50, 659 ნახვა
მსოფლიო
ყირგიზეთში პრემიერ-მინისტრმა და პარლამენტის თავმჯდომარემ თანამდებობები დატოვეს
ყირგიზეთში საპარლამენტო არჩევნების შემდეგ დაწყებული პროტესტისა და არეულობის ფონზე პრემიერ-მინისტრმა კუბატბეკ ბორონოვმა და პარლამენტის თავმჯდომარემ დასტან ჯუმაბეკოვმა თანამდებობები დატოვეს.
პარლამენტმა ახალ პრემიერმინისტრად უკვე დანიშნა სადირ ჟაპაროვი. ჟაპაროვი ყოფილი დეპუტატია, რომელიც პროტესტის ღამეს დემონსტრანტებმა ბიშკეკის ერთ-ერთი ციხიდან გაათავისუფლეს.
ის არეულობების ორგანიზებისთვის 10-წლიან სასჯელს იხდიდა.
შეგახსენებთ, რომ ყირგიზეთში მასშტაბური აქციები 4 ოქტომბერს ჩატარებულ საპარლამენტო არჩევნებს მოჰყვა. წინასწარი შედეგებით პარლამენტში მანდატების უმეტესობა ჟეენბეკოვის პარტიამ მოიპოვა.
აქციებისა და პროსტესტის შემდეგ ყირგიზეთის ცენტრალურმა საარჩევნო კომისიამ საპარლამენტო არჩევნების შედეგები გააუქმა.
ავტორი: ექსპრესნიუსი,
epn.ge (@expressnews.ge)
