2020-10-05 18:03:53, 1001 ნახვა
მსოფლიო
იენს სტოლტენბერგი: ველოდებით, რომ თურქეთი მთიან ყარაბაღში დაძაბულობის განსამუხტად თავის მნიშვნელოვან გავლენას გამოიყენებს
„ველოდები, რომ თურქეთი დაძაბულობის განსამუხტად თავის მნიშვნელოვან გავლენას გამოიყენებს“, - ამის შესახებ ნატოს გენერალურმა მდივანმა იენს სტოლტენბერგმა განაცხადა.
მან სომხეთ-აზერბაიჯანს შორის არსებული დაპირისპირების გამო შეშფითება გამოთქვა.
„განვიხილეთ ლიბიასა და სირიაში არსებული რთული ვითარება, ასევე მთიან ყარაბაღში და მის გარშემო მიმდინარე ძალადობრივი ქმედებები. საბრძოლო მოქმედებების ესკალაციის გამო, შეშფოთებულები ვართ. ყველა მხარემ დაუყოვნებლივ უნდა შეწყვიტოს ბრძოლა და იპოვონ კონფლიქტის დარეგულირებისთვის მშვიდობიანი გზა. ველოდები, რომ თურქეთი დაძაბულობის განსამუხტად თავის მნიშვნელოვან გავლენას გამოიყენებს “, - განაცხადა სტოლტენბერგმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
