2020-10-03 14:00:44, 1161 ნახვა
მსოფლიო
ილჰამ ალიევი - სომხეთმა უნდა დატოვოს ჩვენი ტერიტორია, მხოლოდ ამის შემდეგ შეწყდება ომი
აზერბაიჯანის პრეზიდენტი ილჰამ ალიევი აცხადებს, რომ ომი მხოლოდ მაშინ შეწყდება, როდესაც სომხეთი დატოვებს აზერბაიჯანის ტერიტორიებს.
როგორც აზერბაიჯანული სააგენტო „ტრენდი“ წერს, ამის შესახებ აზერბაიჯანის პრეზიდენტმა „ალ-ჯაზირასთან“ ინტერვიუში განაცხადა.
„ჩვენი პოზიცია უცვლელი რჩება. ჩემი მოთხოვნები მთლიანად შეესაბამება საერთაშორისო უფლებებს. მტელი მსოფლიო აღიარებს აზერბაიჯანის ტერიტორიულ მთლიანობას და მსოფლიოს არც ერთი ქვეყანა არ ცნობს „მთიანი ყარაბაღის რესპუბლიკას“. ჩემი სიტყვები, შეიძლება ითქვას, არის გაერო-ს უშიშროების საბჭოს რეზოლუციის ტექსტი. მათ უნდა დატოვონ ჩვენი ტერიტორია და მხოლოდ ამის შემდეგ შეწყდება ომი, კონფლიქტს ბოლო მოეღება“, - აცხადებს ალიევი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
