სომხეთის თავდაცვის სამინისტრო ავრცელებს სომხეთის სამხედრო საჰაერო ძალების "სუ-25"-ის თვითმფრინავის ფოტომასალას, რომელიც მათი ვერსიით თურქეთის ავიაგამანადგურებლის,  "F-16"-ით იყო ჩამოგდებული, - აღნიშნული ინფორმაცია "ტელეგრამზე" გავრცელდა.

ამასთანავე, როგორც სომხეთის საგარეო უწყებაში აცხადებენ, დაღუპული პილოტი იყო მაიორი ვალერი დაელინი.

გარდა ამისა, უწყებაში აღნიშნავენ, რომ „ეს არ არის თურქული ძალების პირველი პროვოკაცია“.

„27 სექტემბერს ამავე მონაკვეთზე სომხეთი-აზებაიჯანის საზღარზე თურქულმა თვითმფრინავმა "F-16" დაარღვია სომხეთის საჰაერო საზღვარი და მიაყენა სარაკეტო დარტყმა ვარდენისის რაიონს“, - წერია სომხეთის საგარეო უწყების მიერ გავრცელებულ ინფორმაციაში.

ცნობისთვის, გუშინ, სომხეთის თავდაცვის სამინისტროს პრესსპიკერმა, შუშან სტეპანიანმა სოციალურ ქსელში გაავრცელა ინფორმაცია, რომ თურქეთის მრავალფუნქციურმა გამანადგურებელმა  სომხური თვითმფრინავი ჩამოაგდო. აღნიშნული ფაქტი, თურქეთის პრეზიდენტის პრესმდივანმა, იბრაჰიმ ქალინიმ უარყო.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან