თურქეთის საგარეო საქმეთა მინისტრი - ჩვენ ვდგავართ აზერბაიჯანის გვერდით როგორც ბრძოლის ველზე, ასევე მოლაპარაკებებისას

2020-09-29 16:23:19, 675 ნახვა

მსოფლიო

თურქეთის საგარეო საქმეთა მინისტრი მევლუთ ჩავუშოღლუ აცხადებს, რომ თურქეთს მთიანი ყარაბაღის კონფლიქტის გადაჭრა სურს და აზერბაიჯანის გვერდით დგას.

მისივე განცხადებით, მთიანი ყარაბაღის კონფლიქტის გადაჭრის ერთადერთი გზა სომხეთის მიერ აზერბაიჯანის ტერიტორიის დატოვებაა.

"ჩვენ ყოველთვის ვიყავით აზერბაიჯანის გვერდით, როგორც ბრძოლის ველზე, ასევე მოლაპარაკებების მაგიდასთან. ჩვენ გავაგრძელებთ აღნიშნულ სოლიდარობას", - განაცხადა ჩავუშოღლუმ თურქეთში, აზერბაიჯანის საელჩოს დატოვების შემდეგ.

მანვე დასძინა, რომ აზერბაიჯანი და სომხეთი არ არის ერთი და იგივე, რადგან აზერბაიჯანის ტერიტორია ოკუპირებულია სომხეთის მიერ, რაც მიუღებელია.

"აზერბაიჯანი და სომხეთი - ეს არ არის ერთი და იგივე. ჩვენ ყველაე ერთად მხარს ვუჭერთ უკრაინისა და საქართველოს ტერიტორიულ მთლიანობას. აზერბაიჯანს ადარებენ სომხეთს, რომელმაც ოკუპაცია გაუეთა მის ტერიტორიებს. ეს მიუღებელია", - დასძინა მინისტრმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან