ბათუმის მოხუცთა თავშესაფარში ბენეფიციარსა და თანამშრომლებს კორონავირუსი დაუდასტურდათ.

როგორც თავშესაფრის დირექტორმა დეკანოზმა იოანე ბარამიძემ ჟურნალისტებთან საუბრისას აღნიშნა, ტესტირება ჩაუტარდა კიდევ 5 ბენეფიციარს, რომლის პასუხებიც ჯერჯერობით არ არის ცნობილი.

„30 ბენეფიციარი გვყავს საავადმყოფოში გადაყვანილი. 30-დან 25-ს აქვს დადასტურებული კოვიდ19, 5-ის პასუხს კი, ველოდებთ, სამწუხაროდ გვყავს ასევე 10 დაინფიცირებული თანამშრომელი, რომელიც გადაყვანილია საკარანტინე სასტუმროში“, - განაცხადა დეკანოზმა.

მოგვიანებით, აჭარის ჯანდაცვის სამინისტრომ აღნიშნულთან დაკავშირებით ზუსტი ინფორმაცია გაავრცელა და აღნიშნა, რომ კოვიდ19 თავშესაფარში 13 ბენეფიციარს და 7 თანამშრომელს დაუდასტურდა.

ცნობისთვის, საქართველოში დღეს კორონავირუსის რეკორდული, 314 ახალი შემთხვევა გამოვლინდა, გამოჯანმრთელებულთა რიცხვი კი 270-ით გაიზარდა. ამასთანავე, დღეს კოვიდ19-ით კიდევ ორი პაციენტი გარდაიცვალა და ლეტალობის შემთხვევათა რიცხვი 34-მდე გაიზარდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა