2020-09-04 20:13:31, 3307 ნახვა

---

თეონა თამაზაშვილი - არანაირი თვითმკვლელობა არაა, არ ვენდობი გამოძიებას და დადგება დღე, როცა სამართალი იზეიმებს

„არანაირი თვითმკვლელობა არაა, არ ვენდობი გამოძიებას და დადგება დღე, როცა სამართალი იზეიმებს“ , - ამის შესახებ ბაჩალიაშვილის დედამ პროკურატურის მიერ გავრცელებული კადრების შემდეგ განაცხადა.

მან ასევე აღნიშნა, რომ ითხოვს ფედერალური ბიუორსგან მოსული საპასუხო წერილის ნახვას.

„არანაირი თვითმკვლელობა არაა. თვითმკვლელობას იძიებდნენ თვენახევარი? დამიდონ სატელიტების ჩანაწერები, იდგა თუ არა ის მანქანა იქ და რა წერილი მისწერა პროკურატურამ FBI-ს. იქნება სულაც მისწერეს, რომ თვითმკვლელობაა და იმიტომ არ ერთვება FBI. მაინტერესებს ფედერალური ბიუროს პასუხი.

დადონ ის ფლეშკები, რაშიც არის ყველაფრის პასუხი. ყიდულობს გასახდომ ჩაისაც და მედიკამენტებსაც, იქნება ვინმემ დაავალა და იძულების წესით იყიდა. არანაირი თვითმკვლელობა არაა, არ ვენდობი გამოძიებას და დადგება დღე, როცა სამართალი იზეიმებს“,-  განაცხადა თეონა თამაზაშვილმა.

შეგახსენებთ, რომ პროკურატურამ გაავრცელა კადრები, სადაც აღბეჭდილია, როგორ ყიდულობს აფთიაქში თამარ ბაჩალიაშვილის სხვადასხვა სახის მედიკამენტებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი