„სრულად ვთანამშრომლობთ გამოძიებასთან, რათა დადგინდეს ტრაგედიის მიზეზი“ , - ასე ეხმაურება ტურისტული კომპანია „თრეველერ ჯი“ შატილის გზაზე მომხდარ ტრაგედიას სოციალურ ქსელში.

ტურისტული სააგენტოს გაცხადებით, ისინი მზად არიან ნებისმიერი სახის ინფორმაცია, რასაც სააგენტო ფლობს გადაცეს გამოძიებას.

„უდიდეს მწუხარებას გამოვთქვამთ ხევსურეთის გზაზე მომხდარი მძიმე ტრაგედიის გამო, განუზომელია სევდა რომელსაც ჩვენი გუნდი განვიცდით

ვუსამძიმრებთ  გარდაცვლილთა ოჯახებს, ახლობლებს, მეგობრებს, სრულიად საქართველოს

ამ მძიმე დროს უფალს ვევედრებით რომ გარდაცვლილთა სულების მოსახსენიებლად და გვჯერა გადარჩენილი მგზავრები მალე გამოჯანმრთელდებიან ..

ჩვენი მხრიდან სრულად ვთანამშრომლობთ გამოძიებასთან და ყველა დეტალს მივაწვდით საგამოძიებო უწყებას რაც კი ხელთ გვაქვს რათა დადგინდეს ტრაგედიის მიზეზი ...“ , - ვკითხულობთ სააგენტოს მიერ გავრცელებულ განცხადებაში.

შეგახსენებთ, რომ გუშინ ღამით, შატილის გზაზე მიკროავტობუსი 80 მეტრის სიმაღლიდან გადავარდა. ადგილზე დაიღუპა 17 მგზავრი, 3 კი მძიმედ დაშავდა.

დაშავებულების მდგომარეობა ამ დრომდე კრიტიკულია.

ავტორი: ექსპრესნიუსი,

სოციალური ქსელები

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს

ახალი სასკოლო ფორმების გაყიდვა საქართველოში 1 სექტემბერს დაიწყება

რუსეთი აფხაზეთის ე.წ საზღვარზე საკონტროლო-გამშვები პუნქტის ფეხით მოსიარულეთა მონაკვეთს გააკეთებს

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა