2020-07-31 12:19:09, 3891 ნახვა

---

შაქარაშვილის საქმეზე დაკავებული ლ.შ.-ს ადვოკატის განცხადებით, დღევანდელ პროცესზე ალტერნატივის სახით, შესაძლოა, გირაოს გამოყენების საკითხი დააყენონ

გიორგი შაქარაშვილის საქმეზე ბრალდებული არასრულწლოვნის, ლ.შ.-ს ადვოკატის, ზაქარია გვიშიანის განცხადებით, დღევანდელ სასამართლო პროცესზე შესაძლოა,  ალტერნატივის სახით გირაოს გამოყენების საკითხი დააყენონ.

მისივე თქმით, დღევანდელ სასამართლო სხდომაზე განიხილება ისეთი საკითხები როგორიც არის მტკიცებულების დაუშვებლობა, შერჩეული აღკვეთის ღონისძიების შეცვლა და დევნის შეწყვეტა.

„ბუნებრივია, სამივეზე დაცვის მხარეს გვაქვს შუამდგომლობები. ჩემი დაცვის ქვეშ მყოფს, ლ.შ-ს ბრალად ედება სისხლის სამართლის კოდექსის 125-ე მუხლის პირველი და მეორე ნაწილებით გათვალისწინებული ქმედება, რასაც არ აღიარებს დევნის დაწყების დღიდან. ალტერნატივის სახით შესაძლოა დავაყენოთ გირაო. ოდენობაზე შევთანხმდები ჩემი დაცვის ქვეშ მყოფთან და მის ოჯახთან. ალბათ 3000 ლარი ან შესაძლოა, კიდევ უფრო ნაკლებიც იყოს“, - განაცხადა ზაქარია გვიშიანმა.

ცნობისთვის, 19 წლის ფეხბურთელის გიორგი შაქარაშვილის გარდაცვალების საქმეზე დაკავებული 6 არასრულწლოვნის წინასასამართლო სხდომა მცხეთის რაიონულ სასამართლოში მიმდინარეობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი