ანი გაბეჩავამ შსს დატოვა

2020-07-23 17:47:57, 3335 ნახვა

სამართალი

გიორგი შაქარაშვილის გარდაცვალების საქმის მოწმემ ანა გაბეჩავამ შსს-ს შენობა დატოვა.

მისი ადვოკატის განცხადებით, დღეს უწყებაში სათვალთვალო კამერების ჩანაწერების დათვალიერება განხორციელდა.

მისივე ინფორმაციით, გაბეჩავამ ოფიციალური ინფორმაცია გიორგი შაქარაშვილის დაკარგვის შესახებ 19 ივნისს გაიგო და ამის შემდეგ დაიწყტო საკუთარი ძალებით იმის გარკვევა, თუ სად შეიძლება ყოფილიყო გიორგი შაქარაშვილი.

„რაც შეეხება ჩემი დაცვის ქვეშ მყოფის სოციალური ქსელებიდან ამოღებულ მეგობრებისთვის მწერილ მესიჯებს, გაბეჩავამ აღნიშნული მიმოწერა განახორციელა მეორე დღეს, 19 ივნისს როდესაც მისთვის ოფიციალურად გახდა ცნობილი გიორგი შაქარაშვილის დაკარგვისა და გაუჩინარების შესახებ. მან ვერ გაითავისა პრობლემის არსი თავიდანვე, თუ რა პრობლემასთან ჰქონდა საქმე და რა სირთულესთან და რა შედეგი შეიძება დამდგარიყო. მან იცოდა მხოლოდ ჩხუბის შესახებ და იგი ოფიცილაურად გაგების შემდეგ ცდილობს გაარკვიოს, სადაა გიორგი შაქარაშვილი”, - აღნიშნა თათია მანიჯაშვილმა.

ცნობისთვის, უწყებასი გამოკითხვაზე ამ წუთებში ისევ რჩება დიჯეი კოკო ღიბრაძე.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან