„ჩემი აზრით,უკვე გარდაცვლილი შაქარაშვილი წყლის ფსკერზე დაამაგრეს“ , - ამის შესახებ 19  წლის ფეხბურთელის გარდაცვალების საქმეზე ბრალდებულის, ძიუდოისტ გიგა ტატიაშვილის ადვოკატმა, გიორგი ყიფშიძემ ტელეკომპანია "ფორმულას" ეთერში  განაცხადა.

მან ასევე აღნიშნა, რომ არ გამორიცხავს, რომ გარდაცვლილი ფეხბურთელი წყალში პოვნიდან წინა დღეს მოეთავსებინათ.

„ნებისმიერ შემთხვევაში ადამიანური ფაქტორი არის მაპროვოცირებელი მისი გარდაცვალების. ეს ადამიანი იმყოფებოდა მდორე წყალში ამდენი ხნის განმავლობაში და შესაბამისად, არც დინებას, არც წყალს არანაირი მკვეთრი ზემოქმედება არ მოუხდენია. ხომ შეეძლო მაგალითად, რომ წაეღო. ისეთი შთაბეჭდილება მრჩება, რომ ეს ცხედარი ჩადეს ამ წყალში და არ გამოვრიცხავ იმას, რომ დაამაგრეს წყლის ფსკერზე, რომ დროზე ადრე ზემოთ არ ამოტივტივებულიყო. ყველა მასალით, რომელიც მოვიპოვეთ, ცალსახად ჩანს, რომ როცა ადამიანი წყალში იხრჩობა, 24 საათის განმავლობაში აუცილებლად უნდა ამოტივტივდეს, ამ ადამიანს კი, 4 დღე ეძებდნენ. აქ მეორე ვერსიაც შეიძლება იყოს. არც იმას გამოვრიცხავ, რომ ეს ადამიანი სადმე სხვაგან ჰყავდათ, შემდეგ ცხედარი მოიტანეს და წინა დღით ან ორი დღით ადრე წყალში მოათავსეს“ , - განაცხადა ადვოკატმა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას