ფეხბურთელ გიორგი შაქარაშვილის საქმეზე ბრალდებულების ვახტანგ ჩიქოვანისა და ნიკა ჟვანიას ადვოკატმა, არჩილ ბერიანიძემ განაცხადა რომ საქმეში არ არსებობს ფორმალური და ფაქტობრივი გარემოებები, რის გამოც დაკავებულ პირებს უნდა შეფარდებოდათ უკიდურესი აღკვეთის ღონისძიება, პატიმრობა.

„საქმეში არ არსებობს ფორმალური და ფაქტობრივი გარემოებები, რის გამოც დაკავებულ პირებს უნდა შეფარდებოდათ უკიდურესი აღკვეთის ღონისძიება, პატიმრობა. საქმეში არ არსებობს საკმარისი მტკიცებულებები.

გარდა ამისა, ჩემი დაცვის ქვეშ მყოფი პირები მაქსიმალურად თანამშრომლობდნენ გამოძიებასთან. მათ ინტერესში შედიოდა აღნიშნულ საქმეზე სიმართლის დადგენა. არც წარმოდგენილი მტკიცებულებები არ იყო საკმარისი, რომ დაეკავებინათ ჩემი დაცვის ქვეშ მყოფი პირები“,- განაცხადა ადვოკატმა.

საქმეზე არასრულწლოვანი ბრალდებულის ადვოკატის, გიორგი გელხაურის განცხადებით, 17-ვე პირის მიმართ აღკვეთის ღონისძიების სახით პატიმრობის შეფარდებაზე პროკურატურის მოთხოვნა უკანონო იყო.

მისივე თქმით, სასამართლომაც უკანონო გადაწყვეტილება გააგრძელა.

„მოთხოვნა იყო უკანონო, რომ ყველა პირზე ითხოვდა პროკურატურა დაპატიმრებას, სასამართლომაც ანალოგიურად გააგრძელა უკანონო გადაწყვეტილება და ყველა პირს შეუფარდა პატიმრობა, მათ შორის იმ არასრულწლოვნებს, რომლებიც კონფლიქტში იმყოფებიან ამ მომენტში.

არანაირი მოლოდინი არ გვაქვს გასაჩივრებით, რომ რამე შეიცვლება, თუმცა ჩვენ ყველაფერს გავაკეთებთ და სამართლებრივად ყველა რესურსს ამოვწურავთ, რათა ვიბრძოლოთ და მივაღწიოთ სამართლიანობას“, – განაცხადა გელხაურმა.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას