2020-06-11 18:03:38, 2593 ნახვა
სამართალი
გიორგი რურუა კვლავ პატიმრობაში რჩება
ტელეკომპანია „მთავარი არხის“ ერთ-ერთი მეწილე გიორგი რურუა თბილისის საქალაქო სასამართლომ კვლავ პატიმრობაში დატოვა.
დღევანდელ სასამართლო პროცესზე დაცვის მხარემ გიორგი რურუასთვის აღკვეთი ღონისძიების შეცვლის შუამდგომლობა დააყენა. მოთხოვნილი იყო 10 000 ლარიანი გირაოს შეფარდება, თუმცა მოსამართლემ აღნიშნული შუამდგომლობა არ დააკმაყოფილა.
ცნობისთვის, გიორგი რურუა სამართალდამცავებმა 2019 წლის 18 ნოემბერს, სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
ავტორი: ექსპრესნიუსი,
epn.ge (@expressnews.ge)
