"პატრიოტთა ალიანსის" წევრი ემზარ კვიციანსა და ერთ-ერთ ოჯახს შორის სიტყვიერი დაპირისპირება მოხდა. ვრცელდება ინფორმაცია, რომ კვიციანი იმ საცხოვრებელ სახლში მივიდა, რომელიც მას წლების წინ ეკუთვნოდა.

დეპუტატი აცხადებს, რომ სახლი მას ეკუთვნის, თუმცა ტერიტორია თავდაცვის სამინისტროს დაქვემდებარებაშია. ვეტერანის მეუღლის, ნინო მეტრეველის თქმით კი საცხოვრებელი ფართი პრეზიდენტმა ომარ მეტრეველს, დამსახურებების გამო, 2006 გადასცა.

„ნასვამ მდგომარეობაშია, კადრებიცაა. სახლში გვაქვს ორდერი, სადაც წერია, რომ ომარ მეტრეველს და მის ოჯახს ეძლევა უფლება ამ სახლში ცხოვრების. ჩემს ოჯახთან რა პრეტენზია აქვს. ჩვენ არ წაგვირთმევია არავისთვის არაფერი", - აცხადებს ნინო მეტრეველი.

ის ისან-სამგორის რაიონულ სამმართველოში გამოკითხვაზე გუშინ იმყოფებოდა. პოლიციაში არ გამოჩენილა თავად ემზარ კვიციანი.

მოგვიანებით ინციდენტს დეპუტატი "ფეისბუქზე“ გამოეხმაურა.

“გადავიღე წინასწარ ჩემი სახლის ყველა კუთხე, რომელიც ოქრუაშვილმა და სააკაშვილმა, ვიდრე კოდორს გაყიდდნენ, გადასცეს ზონდერ მეტრეველს! დღეს მივედი სულების მოხსენიების დღეს იქ, საიდანაც დედა გავასვენე და დამხვდა სუს-ის მიერ გათამამებული ჯგუფი!” - წერს ემზარ კვიციანი.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას