2020-04-07 12:45:11, 1974 ნახვა
სამართალი
პრეზიდენტმა 9 მსჯავრდებული ქალი შეიწყალა
საქართველოს პრეზიდენტმა ხარების დღესასწაულთან დაკავშირებით შეწყალების აქტი გამოსცა და 9 მსჯავრდებული ქალი შეიწყალა.
აღნიშნულის შესახებ ინფორმაციას პრეზიდენტის პრესსამსახური ავრცელებს.
უწყების ცნობით, ყველა მსჯავრდებულს ერთი, ან მეტი არასრულწლოვანი შვილი ჰყავს, მათ მიერ ჩადენილი დანაშაულები კი, ძალადობრივ დანაშაულთა კატეგორიას არ განეკუთვნება.
ცხრავე მსჯავრდებული პენიტენციურ დაწესებულებას დღესვე დატოვებს.
ავტორი: ექსპრესნიუსი,
epn.ge (@expressnews.ge)
