სავაჭრო-სამრეწველო პალატასთან არსებულმა საერთაშორისო საარბიტრაჟო ცენტრმა, სამშენებლო სექტორში დავების მიმართულებით არსებულ გამოწვევებსა და მის გადაჭრის გზებზე, სამშენებლო კომპანიების წარმომადგენლებთან ერთად დისკუსიის ფორმატში იმსჯელეს. ღონისძიება სავაჭრო-სამრეწველო პალატის პრეზიდენტმა, გიორგი პერტაიამ გახსნა.

შეხვედრა გაეროს განვითარების პროგრამისა (UNDP) და ევროკავშირის მხარდაჭერით ჩატარდა.

,,სამშენებლო სფერო ერთ-ერთ მნიშვნელოვან სექტორს წარმოადგენს, რომელიც განსაკუთრებული მიდგომით გამოირჩევა. გამომდინარე აქედან, ამ სფეროში წარმოშობილ დავებს გარკვეული სპეციფიკურობა ახასიათებთ, როგორც შინაარსის, წამოჭრილი პრობლემატიკისა და გამოწვევების, ასევე მისი გადაჭრის კუთხით. საკითხთა აქტუალურობაზე მეტყველებს დიდი დაინტერესება და სამშენებლო სფეროს წარმომადგენელთა აქტიურობა . ჩვენთვის მნიშვნელოვანი გავიგოთ, თუ რა პრობლემებია დღეს ამ სფეროში. სწორედ, ასეთი ფორმატის შეხვედრები იძლევა შესაძლებლობას გამოიკვეთოს აქტუალური საკითხები და მოიძებნოს ერთობლივი გზები მის გადასაჭრელად. სავაჭრო სამრეწველო პალატა გამოიყენებს ყველა თავის შესაძლებლობას, რათა ქვეყანაში სამშენებლო სექტორი სწრაფად განვითარდეს“, - განაცხადა გიორგი პერტაიამ.

 შეხვედრისას განიხილეს დავების სპეციფიკა სამშენებლო სფეროში, მისი პრევენცია და მიდგომები. ასევე, ყურადღება გამახვილდა დავების გადაწყვეტის მექანიზმებზე.

სამშენებლო კომპანიების წარმომადგენლები  გაეცნენ საკითხებს როგორც საჯარო, ასევე კერძო სექტორის პრაქტიკიდან.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა