|
2020-02-12 14:32:02, 1524 ნახვა
ეკონომიკა
ირაკლი ნადარეიშვილი - ეკონომიკის სამინისტროში მოქმედი პროგრამები და ინსტრუმენტი ფინანსებზე ხელმისწავდომობის გაუმჯობესკებინაა მიმართული
„მცირე და საშუალო ბიზნესის განვითარება ქართული ეკონომიკისთვის ნომერ პირველ პრიორიტეტს წარმოადგენს“, - ამის შესახებ ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა ფინანსებზე ხელმისაწვდომობის ფორუმზე ჟურნალისტებთან საუბრისას განაცხადა. მისივე თქმით, ყველა ის გამოწვევა, რაც აქვს და ჰქონდა მცირე და საშუალო ბიზნესს ფინანსებზე ხელმისაწვდომობის ჩათვლით, არის ის ამოცანა, რომლის გადაჭრაზეც სახელმწიფო საკმაოდ ინტენსიურად მუშაობს ბოლო წლების განმავლობაში. ირაკლი ნადარეიშვილის განცხადებით, მხოლოდ ეკონომიკისა და მდგრადი განვითარების სამინისტროს ფარგლებში მოქმედებს ათამდე სხვადასხვა პროგრამა, სხვადასხვა ინსტრუმენტი როგორც მონეტარული, ასევე სხვა ტიპის, რომელიც მიმართულია როგორც ფინანსებზე ხელმისაწვდომობის გაუმჯობესებისკენ, ასევე ზოგადად მცირე და საშუალო ბიზნესის მხარდაჭერისკენ საქართველოში. „მაგალითისთვის შემიძლია გითხრათ, რომ მხოლოდ „აწარმოე საქართველოს" სესხების თანადაფინანსების პროგრამას ჰყავს 450-ზე მეტი ბენეფიციარი, 9 ათასზე მეტი ბენეფიციარი გვყავს მცირე გრანტების მიმართულებით. გარდა „აწარმოე საქართველოსი", ტურიზმის ადმინისტრაცია ახორციელებს ძალიან საინტერესო პროგრამებს, მათ შორის გადამზადების და ტრენინგის პროგრამებს, რომელშიც გასულ წელს 2 ათასზე მეტმა მცირე და საშუალო ბიზნესის ოპერატორმა მიიღო მონაწილეობა სასტუმროების და ზოგადად ტურიზმის განვითარების მიმართულებით. ინოვაციებისა და ტექნოლოგიების სააგენტო ახორციელებს მსოფლიო ბანკის მხარდაჭერით მთელ რიგ პროგრამებს, რომლებიც კონკრეტულად მიმართულია ინოვაციური და ტექნოლოგიური ბიზნესების განვითარებისთვის", - აღნიშნა ირაკლი ნადარეიშვილმა. მისივე თქმით, ძალიან მნიშვნელოვანია, რომ სამინისტრო და ყველა მისი დაქვემდებარებული უწყება მუდმივ რეჟიმში ახორციელებს ამ პროგრამების ეფექტურობის, მათი მიმდინარეობის მონიტორინგს და შესაბამისად, პროგრამების რედიზაინისა და გაუმჯობესების, ასევე ახალი პროგრამების შემოღების გადაწყვეტილებას იღებს. „გასული წელი ამ თვალსაზრისით გამორჩეული იყო. „აწარმოე საქართველოს" და სასტუმრო ბიზნესის მხარდაჭერის მიმართულებით მთელი რიგი ინიციატივები განვახორციელეთ პროგრამების შეცვლის მიზნით. ჩვენი მთავარი ამოცანა იყო, უკეთესი ტარგეტირება განხორციელდეს მცირე და საშუალო ბიზნესის მხარდაჭერის თვალსაზრისით, მათ შორის ფინანსებზე ხელმისაწვდომობის მიმართულებით", - განაცხადა ირაკლი ნადარეიშვილმა. ფინანსებზე ხელმისაწვდომობის ფორუმი USAID-ის ეკონომიკური უსაფრთხოების პროგრამის ფარგლებში გაიმართა. ღონისძიებაზე განიხილეს კაპიტალსა და ფინანსებზე ხელმისაწვდომობის საკითხები USAID-ის ეკონომიკური უსაფრთხოების პროგრამის პრიორიტეტულ სექტორებში (მსუბუქი წარმოება, ტურიზმი, ინტელექტუალური სერვისები, შემოქმედებითი ინდუსტრიები) და მათი ზეგავლენა სამუშაო ადგილების შექმნაზე და ინვესტიციების და შემოსავლების ზრდაზე.
სანქცირებული სამთავრობო იმედის და პოსტვ-ის შემოსავლები მკვეთრად შემცირდა
გვარამია- ლეგიტიმურობა-არალეგიტიმურობის საკითხი არარელევანტურია პარტიების გაუქმებასთან
ბიბილაშვილი - კითხვა ხელისუფლების ლეგიტიმურობის აღიარებასთან დაკავშირებით მახეა
ქობულეთის პოლიციაში ძალადობის საქმეზე სამ პოლიციელს 6-6 წლით პატიმრობა მიესაჯათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



