ვარკეთილში, „ანას ბაღის“ მიმდებარე ტერიტორიაზე აქცია გრძელდება. მოსახლეობა კვლავ განაგრძობს პროტესტს და ითხოვს, რომ შეწყდეს აღნიშნულ ადგილზე კორპუსის მშენებლობა.

სამშენებლო კომპანია „გისსონის“ წარმომადგენლებსა და აქციის მონაწილეებს შორის დაპირისპირებასაც ჰქონდა ადგილი.

როგორც ერთ-ერთი ადგილობრივი აცხადებს, კომპანიის თანამშრომლები თავს დაესხნენ აქციის მონაწილეებს და დაარბიეს მათი კარვები, რომლებიც „ანას ბაღის“ მიმდებარე ტერიტორიაზე გუშინ გაშალეს.

„გუშინ გავხსენით კარავი, რომელიც დაგვირბიეს. ჩვენი მეზობლები წიხლ ქვეშ გაიგდეს, რომლებიც ახლა საავადმყოფოში არიან გადაყვანილნი. არის ფიზიკური დაზიანებები და საპატრულო პოლიციას არავინ არ ჰყავს დაკავებული.

საპატრულო პოლიციის უმოქმედობაზე აუცილებლად შევა სახელმწიფო ინსპექტორის სამსახურში განცხადება. ყოველდღიურად გვარბევენ, მიმდინარეობს ჩვენზე ყოველდღიური ძალადობა და მწვანე შუქი სამშენებლო კომპანიის წარმომადგენლებს ხელისუფლებამ აუნთო“ , - განაცხადა აქციის ერთ-ერთმა მონაწილემ.

შეგახსენებთ, რომ უკვე რამდენიმე კვირაა ვარკეთილში, „ანას ბაღის“ მიმდებარე ტერიტორიაზე მოსახლეობა არსებული ბაღის ნაცვლად, 10 სართულიანი კორპუსის აშენებას აპროტესტებს. მათი მთავარი მოთხოვნაა, რომ ადგილზე დარჩეს გამწვანება, თუმცა აღნიშნულ ტერიტორიაზე კომპანია „გისსონმა“ უკვე დაიწყო სამშენებლო სამუშაოები.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა