ეროვნულ-დემოკრატიული ინსტიტუტის (NDI) კვლევის თანახმად, ხვალ რომ საპარლამენტო არჩევნები ტარდებოდეს, გამოკითხულთა 14% ხმას არც ერთ პარტიას არ მისცემდა.

რაც შეეხება პოლიტიკურ პარტიებს, გამოკითხულთა 20% ხმას „ქართულ ოცნებას“ მისცემდა, „ერთიან ნაციონალურ მოძრაობას“ – 13%, გამოკითხული მოსახლეობის 12% ამბობს, რომ  არ იცის ვის მისცემდა ხმას, „ევროპული საქართველო - თავისუფალი დემოკრატების“ – 8% მისცემდა ხმას, „ლეიბორისტულ პარტიას“ – 5%, „პატრიოტთა ალიანსს“ – 4%, პოლიტიკურ პლატფორმა „ახალ საქართველოს“ – 3%, „დემოკრატიულ მოძრაობა - ერთიან საქართველოს“ – 3%, „გირჩს“ – 2%, ხოლო გამოკითხულთა 2% ხმას სხვა პარტიას მისცემდა.

გამოკითხულთა 14%-მა კითხვაზე ხვალ რომ საპარლამენტო არჩევნები ტარდებოდეს, რომელ პარტიას მისცემდით ხმას პასუხი არ გასცა.

აღნიშნული კვლევის თანახმად, ხვალ რომ საპარლამენტო არჩევნები ტარდებოდეს, გამოკითხულთა 65% ამბობს, რომ მონაწილეობას მიიღებდა, ხოლო 35% მონაწილეობას არ მიიღებდა.

ამავე კვლევის თანახმად, გამოკითხული მოსახლეობის 39%-მა იცის ვის მისცემდა ხმას, 56%-ს ჯერ არ გადაუწყვეტია, ხოლო 3%-მა არ იცის ხმას ვის მისცემდა.

კვლევა, 2019 წლის 19 ნოემბერისა და 13 დეკემბრის პერიოდში, საქართველოს მასშტაბით 2,180 პირისპირი ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.9 პროცენტი.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა