|
2020-01-09 15:04:16, 2514 ნახვა
ეკონომიკა
თურნავა - ჩვენ კვლავაც ვართ და ვიქნებით ლიდერი რეგიონში ერთ სულ მოსახლეზე მთლიანი შიდა პროდუქტის მაჩვენებლის მიხედვით
„ჩვენ კვლავაც ვართ და ვიქნებით ლიდერი რეგიონში ერთ სულ მოსახლეზე მთლიანი შიდა პროდუქტის მაჩვენებლის მიხედვით," - ასე უპასუხა ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში გამართულ ბრიფინგზე მამუკა ხაზარაძის მიერ დღეს გაკეთებულ განცხადებასთან დაკავშირებით, რომელიც საქართველოს ეკონომიკურ მაჩვენებლებს შეეხებოდა. მინისტრის განცხადებით, მამუკა ხაზარაძემ გააკეთა მცდარი შეფასება საქართველოს მშპ-ის (მთლიანი შიდა პროდუქტის) მაჩვენებლისა და მისი სხვა ქვეყნის ანალოგიურ მონაცემთან შედარების შესახებ. „გათვალისწინებული არ არის ელემენტარული მეთოდოლოგიური გარემოებები. ვიდრე რომელიმე პოლიტიკოსი ან ექსპერტი ნიშნის მოგებით იჩქარებს და დაიწყებს საქართველოს შედარებას რეგიონის სხვა ქვეყნებთან, მოვუწოდებ, ელემენტარულად მეთოდოლოგიაში გაერკვეს და ჩვენ მზად ვართ ეს ინფორმაცია მივაწოდოთ," - განაცხადა ნათია თურნავამ. მინისტრის ინფორმაციით, საქართველოს სტატისტიკის ეროვნულმა სამსახურმა 2019 წლის ნოემბერში ახალი მეთოდოლოგიით დათვალა საქართველოს მთლიანი შიდა პროდუქტის მონაცემები, რომელიც ჯერ არ ასახულა საერთაშორისო საფინანსო ორგანიზაციების, მათ შორის, სავალუტო ფონდის მონაცემებში. ამავე დროს, რეგიონის ქვეყნებმა, მათ შორის აზერბაიჯანმა, სომხეთმა, მოლდოვამ, ბელორუსმა, უკრაინამ და სხვა, იგივე მეთოდოლოგიური ცვლილება საქართველოზე რამდენიმე წლით ადრე განახორციელეს და მათი მონაცემები უკვე აისახა სავალუტო ფონდის მიმოხილვაში. „მერწმუნეთ, იმ მაღალი ეკონომიკური ზრდის გათვალისწინებით, რაც ფიქსირდება ბოლო პერიოდში, ჩვენი მშპ ერთ სულ მოსახლეზე, ახალი მეთოდოლოგიით გადათვლილი, საკმაოდ მაღალია და ყველაზე კონსერვატიული შეფასებითაც კი დაახლოებით 4700 დოლარს მიაღწევს. ყოველივე ეს სავალუტო ფონდის მომდევნო მიმოხილვაში აისახება", - განაცხადა ეკონომიკისა და მდგრადი განვითარების მინისტრმა ნათია თურნავამ.
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
სანქცირებული რუსული Wildberries-ის საქართველოში ტაქსის გაშვებას აპირებს
სანქცირებული სამთავრობო იმედის და პოსტვ-ის შემოსავლები მკვეთრად შემცირდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



