ჭყონდიდის ყოფილი მიტროპოლიტი, პეტრე ცაავა აცხადებს, რომ წერილი, რომელიც დეკანოზმა გიორგი მამალაძემ ციხიდან მას და კიდევ 3 მღვდელმთავარს გამოუგზავნა, შეიცავს მაკომპრომატირებელ მასალას პატრიარქზე.

მეუფე პეტრეს თქმით, ამ წერილის გასაჯაროებაზე ფიქრობდა საპატრიარქო, თუმცა იქ იყო ისეთი აქცენტები, რაც დააზიანებდა პატრიარქს.

 „წერილი, რომელიც მოგვივიდა 4 მღვდელმთავარს, რომელსაც მე „ბედუკაძეობა“ ვუწოდე, მისი მიღების შემდეგ მღვდელმთავრებსა და ადრესატებს ვთხოვე, რომ შესულიყვნენ მამა გიორგისთან და დახმარებოდნენ მას, ვინაიდან ის უკვე მძიმე ფსიქოლოგიურ მდგომარეობაში იყო ამ წერილიდან გამომდინარე, რადგან საუბრობდა მუქარის ენით, თუმცა მე ვერ ავიღე ამ წერილის გასაჯაროების პასუხისმგებლობა. როგორც ჩემთვის ცნობილია, საპატრიარქოში ფიქრობდნენ მის გასაჯაროებაზე, მაგრამ ქალბატონი წავიდა წინააღმდეგ, რადგან იქ იყო ისეთი აქცენტები, რაც დააზიანებდა პატრიარქსა და საპატრიარქოს.

იქ არის ნახსენები, რომ მასალა მაკომპრომატირებელი პირველი პირისა არის საზღვარგარეთ გატანილი და მამალაძე წერს, რომ თუ საპატრიარქო არ დამიდგება გვერდში, მოხდება ამის გასაჯაროვება, რაც დანაშაული იყო, მაგრამ ამ პრობლემას დღემდე სწორედ ვერ მივუდექით. იმის მაგივრად, რომ მამაოსთან შესულიყვნენ და მას ფსიქოლოგიურად დახმარებოდნენ, საპატრიარქოს უპასუხისმგებლო იურისტი გამოიყვანეს და მე დამადანაშაულეს, რომ მე მინდა პატრიარქის მოკვდინება“, - განაცახდა პეტრე ცაავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა