2020-01-04 16:43:50, 2033 ნახვა
საზოგადოება
ვეძინის ქუჩაზე საცხოვრებელ სახლში ხანძარი გაჩნდა
თბილისში, ვეძინის ქუჩაზე, საცხოვრებელ სახლში ხანძარი გაჩნდა.
შინაგან საქმეთა სამინისტროს საგანგებო სიტუაციების მართვის სამსახურის ინფორმაციით, ცეცხლი იტალიური ტიპის საცხოვრებელი სახლის მეორე სართულის სასხვენო გადახურვაზეა გავრცელებული.
„ადგილზე შეტყობინების მიღებისთანავე გამოცხადდნენ საგანგებო სიტუაციების მართვის სამსახურის თანამშრომლები. ვეძინის ქუჩაზე მუშაობს 9 სახანძრო-სამაშველო ჯგუფი.
შემთხვევის შედეგად არავინ დაშავებულა.
ამ დროისთვის ხანძარი ლოკალიზებულია. ცეცხლის გავრცელების საფრთხე აღარ არსებობს“, - ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
