გარემოვაჭრეები თბილისის მერიასთან საპროტესტო აქციას მართავენ.

აქციის მონაწილეები რესპუბლიკის მოედანზე, გარემოვაჭრეებისთვის სპეციალური ადგილის მოწყობას მოითხოვენ, რისთვისაც მათ თბილისის მერთან, კახა კალაძესთან შეხვედრა სურთ.

დედაქალაქის მერიასთან გამართულ საპროტესტო აქციას სამოქალაქო მოძრაობა „სირცხვილიას“, „შეცვალეს“, და „გაბედეს“ წევრები და „ლეიბორისტული პარტიის“ წარმომადგენელი ლაშა ჩხარტიშვილიც შეუერთდა.

ჩხარტიშვილის თქმით, გარევაჭრობის ადგილები , არამარტო  ახალ წელს და შაბათ-კვირას,  არამედ სხვა დღეებშიც უნდა გამოიყოს.  

„ჩვენ გვაქვს 2 მოთხოვნა, რომელშიც ვერანაირი დაჭერით ვერ შეგვაშინებენ. 1) საახალწლო ბაზრობა აღდგეს კვლავ რესპუბლიკის მოედანზე და ნუ აიძულებენ ამ ადამიანებს, რომ სხვის სისხლზე ივაჭრონ . 2) 15 იანვრიდან 15 თებერვლამდე მიღებულ იქნეს საკრებულოსა და მერიის მიერ, ჩემს მიერ მომზადებული პროექტის  საფუძველზე გადაწყვეტილება, რომლითაც გამოიყოფა გარევაჭრობის ადგილები , არამარტო  ახალ წელს და შაბათ-კვირას,  არამედ სხვა დღეებშიც, რათა მას ჰქონდეს ცივილიზებული ფორმა და ამ ადამიანეს შრომის და ელემენტარული შემოსავლის საშუალება ჰქონდეთ“, - განაცხადა ლაშა ჩხარტიშვილმა.

შეგახსენებთ, რომ ახალი წლის ღამეს პარლამენტის წინ, დასუფთავების სამსახურმა, მალხაზ მაჩალიკაშვილის კარავი აიღო და მის ნაცვლად, საბავშვო ატრაქციონები დაამონტაჟა. მერიამ გარემოვაჭრეები პარლამენტის წინ გაუშვა და რესპუბლიკის მოედანზე ვაჭრობის უფლება არ მისცა, რასაც მათი მხრიდან პროტესტი მოჰყვა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა