დედაქალაქსა და რეგიონებში გრიპის ვირუსით ინფიფიცირებულთა რაოდენობა გაიზარდა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის, პაატა იმნაძის თქმით, დეკემბრის ბოლო კვირაში გრიპის ვირუსით ინფიცირებულთა ექიმისთვის მიმართვიანობა წინა წლის ანალოგიოურ პერიოდთან შედარებით ცოტათი გაზრდილია, თუმცა ჰოსპიტალიზაცია ორჯერ ნაკლები იყო.

„დეკემბრის ბოლო კვირაში მიმართვიანობა იყო 312 ასი ათას მოსახლეზე, რაც ცოტათი მეტია, ვიდრე იყო შარშან დეკემბერში, მაგრამ ჰოსპიტალიზაცია საბედნიეროდ, ორჯერ ნაკლები იყო შარშანდელთან შედარებით. შემთხვევები ალბათ, ამ კვირიდან მოიკლებს და შემდგომი მატება შეიძლება იყოს თებერვლის ბოლოს ან მარტის დასაწყისში“, - განაცხადა პაატა იმნაძემ.

გრიპისმაგვარი შემთხვევების რაოდენობამ  რეგიონებშიც იმატა. აჭარის ჯანდაცვის მინისტრის მოადგილის, ნინო ნიჟარაძის თქმით, აღნიშნული მატება საგანგაშო არ არის და სიტუაცია კონტროლირებადია.

„უკანასკნელი კვირის მონაცემებით, გრიპისმაგვარი შემთხვევების რაოდენობამ იმატა, რაც იყო მოსალოდნელი და დამახასიათებელი გრიპის სეზონისთვის. თითქმის ორჯერადი მატება გვაქვს წინა კვირის მონაცემებთან შედარებით, მაგრამ იმაზე ნაკლებია მონაცემი, ვიდრე იყო გასული წლის ანალოგიურ პერიოდში. ეს არ არის საგანგაშო, არ არის შემაშფოთებელი, არის სტაბილური. შემთხვევათა რაოდენობამ შესაძლოა მომდევნო პერიოდში ისევ იმატოს და ესეც იქნება პროგნოზული მატება. სიტუაცია ნამდვილად არის კონტროლირებადი. მოსახლეობას ვთხოვთ, რომ დროულად მიმართონ ოჯახის ექიმებს“,- განაცხადა ნინო ნიჟარაძემ.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა