2019-12-30 10:19:52, 3855 ნახვა
რეგიონი
ცხინვალის დე ფაქტო ხელისუფლება 3 იანვრამდე ე.წ. საზღვარს კეტავს
ე.წ. სამხრეთ ოსეთის დე-ფაქტო ხელისუფლების გადაწყვეტილებით, საახალწლო დღეებში, უსაფრთხოების გაძლიერების მიზნით, დანარჩენ საქართველოსთან ე.წ. საზღვარზე ერთადერთი საკონტროლო გამშვები პუნქტიც დაიკეტება.
სააგენტო „რესის“ ცნობით, გამშვები პუნქტი დღეს, 30 დეკემბერს, 20:00 საათისთვის ჩაიკეტება და 3 იანვარს, 06:00 საათიდან მუშაობას ჩვეულ რეჟიმში განაგრძობს.
შეგახსენებთ, ცხინვალის რეგიონთან სულ 3 გამშვები პუნქტი ფუნქციონირებდა, რომელთაგან 2 უკვე რამდენიმე თვეა ჩაკეტილია.
ავტორი: ექსპრესნიუსი,
epn.ge (@expressnews.ge)
