სპეციალური პენიტენციური სამსახურის ორგანიზებით და თბილისის მერიის მხარდაჭერით პირველი რესპუბლიკის მოედანზე მოწყობილ საახალწლო სოფლის ფარგლებში მსჯავრდებულთა ხელნაკეთი ნივთების გამოფენა-გაყიდვა მიმდინარეობს.

გამოფენა-გაყიდვა 28 და 29 დეკემბერს იმართება და მასზე 6 პენიტენციური დაწესებულების მსჯავრდებულების 250-მდე ხელნაკეთი ნივთია წარმოდგენილი. მსჯავრდებულები სპეციალურად საახალწლო ბაზრობისთვის დაახლოებით ერთი თვის განმავლობაში საახალწლო და საშობაო თემატიკაზე ქმნიდნენ ნამუშევრებს, რომელთა დათვალიერება და ყიდვა ნებისმიერ მსურველს ადგილზე შეეძლება.

გამოფენაზე ძირითადად კერამიკის, თექის, მინანქრის, ხეზე ნაკვეთი და ტყავის ნაკეთობებია წარმოდგენილი.

დღეს გამოფენა-გაყიდვა სპეციალური პენიტენციური სამსახურის გენერალური დირექტორის მოადგილემ, ნიკა ცხვარაშვილმა დაათვალიერა. მისი თქმით, მსგავსი აქტივობები ყოველთვის წახალისებული და მხარდაჭერილია სპეციალური პენიტენციური სამსახურის მხრიდან, რადგან მსჯავრდებულთა რეაბილიტაცია-რესოციალიზაციას უწყობს ხელს.

„ჩვენ ყოველთვის ვცდილობთ მხარში დავუდგეთ ჩვენს სისტემაში განთავსებულ ბრალდებულ/მსჯავრდებულებს და დავეხმაროთ მათ როგორც სხვადასხვა ხელობის, ან პროფესიის ათვისებაში, ასევე შემდეგ უკვე მათი ხელნაკეთი ნივთების რეალიზაციაში. მსგავსი აქტივობები სტიმულს აძლევს პატიმრებს და მათ რეაბილიტაცია-რესოციალიზაციისკენ გადადგმული ერთ-ერთი მნიშვნელოვანი ნაბიჯია“, - განაცხადა ნიკა ცხვარაშვილმა.

ავტორი: NS (სტატია დაფინანსებულია),

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა