„დღეს ჩვენი ბიზნესი, პირველ რიგში, ძალიან აქტიური ქართული ბიზნესი, იმდენად ძლიერია და იმდენად ფეხზე დგას, რომ შეუძლია, თუნდაც ჩვენს მიერ გამოცხადებულ მასშტაბურ პრივატიზაციას უპასუხოს მნიშვნელოვანი ინვესტიციებით" - ამის შესახებ ნათია თურნავამ „პალიტრანიუსის" ეთერში განაცხადა.

მინისტრის თქმით, ეს ადასტურებს, რომ ბიზნესს, მათ შორის ბანკებს, ინვესტორებს აქვთ პოზიტიური მოლოდინი საქართველოს ხვალინდელ დღეზე. შესაბამისად, ნათია თურნავას განცხადებით, თუ ბიზნესს აქვს ასეთი მოლოდინი და სჯერა ხელისუფლების მიერ გადადგმული ნაბიჯების, ეს აუცილებლად აისახება ქვეყნის ეკონომიკურ კეთილდღეობასა და დამატებითი სამუშაო ადგილების შექმნაზე.

„როგორც ქართველი, ისე უცხოელი ინვესტორების მხრიდან შემოდის ინვესტიცია და მათ აქვთ ინტერესი, ჩაერთონ პროცესში და განავითარონ ის მსხვილი ობიექტები, რომლებიც ჩვენ „ასი საინვესტიციო შეთავაზების" პროექტის ფარგლებში საპრივატიზაციოდ გამოვიტანეთ. ეს ყოველთვის ასე არ იყო, რადგან ბიზნესი უნდა იყოს ხვალინდელ დღეში დარწმუნებული და ჩვენ ვხედავთ, რომ მიუხედავად ყველაფრისა, მათ შორის პოლიტიკური ტურბოლენტობისა, ზოგიერთი უპასუხისმგებლო ძალების მხრიდან ქვეყნის არევის მცდელობისა, ქვეყანა ცხოვრობს თავისი დღის წესრიგით - ინვესტორს აინტერესებს პრივატიზება, დებს ფულს, ასაქმებს ადამიანებს და სჯერა ხვალინდელი დღის" - აღნიშნა ეკონომიკისა და მდგრადი განვითარების მინისტრმა.
 

ავტორი: NS (სტატია დაფინანსებულია),

სოციალური ქსელები

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა