ოპოზიციური პარტიები და სამოქალაქო მოძრაობები საპროტესტო აქციას დღეს ქუთაისში გამართავენ

2019-12-06 10:30:05, 1114 ნახვა

პოლიტიკა

დღეს, 14:00 საათზე გაერთიანებული ოპოზიციისა და სამოქალაქო მოძრაობების წარმომადგენლები ქუთაისში, მასშტაბურ მშვიდობიან აქციას გამართავენ.

აქცია კიკვიძის სკვერიდან დაიწყება და აღმაშენებლის მოედანზე დასრულდება.

აქციის მიზანი უცვლელია - 2020 წლის არჩევნების პროპორციული წესით ჩატარება.

პარტია „ევროპული საქართველოს“ ლიდერის, დავით ბაქრაძის განცხადებით, სანამ ქვეყანაში არსებული სიტუაციიდან არ მოიძებნება პოლიტიკური გამოსავალი, მშვიდობიანი აქციები გაგრძელდება.

„ყველაფერი იქნება მშვიდობიანი. ასეთი აქციები გაგრძელდება სხვა ქალაქებში, სხვა რეგიონებში, ასევე გაგრძელდება თბილისში, პარლამენტთან. ამ ყველაფრის დასასრული იქნება მხოლოდ მაშინ, როდესაც კრიზისიდან პოლიტიკური გამოსავალი მოიძებნება“, - განაცხადა ბაქრაძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,